22-yanvar kúni Qıtaydıń Sinczyan-Uyǵur avtonom rayonınıń Urumchi qalasında birinshi Ózbekstan-Qıtay aymaqlar aralıq forumı bolıp ótti
1832
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵındaǵı delegaciyada qatnastı Dáslep, ministrlikler, sanaat birlespeleri, Sawda-sanaat palataları, xolding kompaniyaları basshıları hámde eki mámleket isbilermen ortalıǵınıń 1200 den aslam wákilleri qatnasıwında forumnıń ashılıw máresimi bolıp ótti. Onda Joqarǵı Keńes Baslıǵı shıǵıp sóylep, mámleketlerimiz arasındaǵı eki tárepleme qatnasıqlar óz ara birge islesiwdiń jańa basqıshqa kóteriliwi eki mámleket basshılarınıń keleshek ushın tiykar jaratıw jolında alıp barıp atırǵan ádil siyasatı sebepli ámelge asıp atırǵanın atap ótti.
Forumda qatnasıwshılardıń itibarı Ózbekstanda, sonıń ishinde Qaraqalpaqstanda investiciya ortalıǵın jaqsılaw, investiciyalıq joybarlardı ámelge asırıw ushın hár tárepleme qolaylı sharayat jaratıw baǵdarında alıp barılıp atırǵan reformalarǵa karatıldı. Aymaqlar hám isbilermenler ortalıǵı wákilleriniń tikkeley óz-ara birge islesiwin arttırıw arqalı eki mámleket arasındaǵı qatnasıqlardı keńeytiwdiń keyingi adımları hám perspektivalı baǵdarlar belgilep alındı. Forum "B2B" hám "B2G" formattaǵı sóylesiwler menen dawam etti. Qaraqalpaqstan Respublikası delegaciyası Qıtay tárepiniń rásmiyleri hám kompaniyalardıń basshıları menen birge islesiwdi keńeytiw, jańa joybarlardı jolǵa qoyıw máselelerin dodaladı hám ekonomikanıń túrli tarawlarında óz-ara paydalı jańa shártnama hám kelisimler dúziwge eristi.
Forumda qatnasıwshılardıń itibarı Ózbekstanda, sonıń ishinde Qaraqalpaqstanda investiciya ortalıǵın jaqsılaw, investiciyalıq joybarlardı ámelge asırıw ushın hár tárepleme qolaylı sharayat jaratıw baǵdarında alıp barılıp atırǵan reformalarǵa karatıldı. Aymaqlar hám isbilermenler ortalıǵı wákilleriniń tikkeley óz-ara birge islesiwin arttırıw arqalı eki mámleket arasındaǵı qatnasıqlardı keńeytiwdiń keyingi adımları hám perspektivalı baǵdarlar belgilep alındı. Forum "B2B" hám "B2G" formattaǵı sóylesiwler menen dawam etti. Qaraqalpaqstan Respublikası delegaciyası Qıtay tárepiniń rásmiyleri hám kompaniyalardıń basshıları menen birge islesiwdi keńeytiw, jańa joybarlardı jolǵa qoyıw máselelerin dodaladı hám ekonomikanıń túrli tarawlarında óz-ara paydalı jańa shártnama hám kelisimler dúziwge eristi.
Qaraqalpaqstan Respublikası Joqarǵı Keńesiniń Málimleme xızmeti