ÓzA
Densawlıqtı saqlaw tarawındaǵı usınıslar kórip shıǵıldı
1549
Prezident Shavkat Mirziyoev 22-yanvar kúni densawlıqtı saqlaw tarawındaǵı reformalardı jedellestiriw boyınsha usınıslardıń prezentaciyası menen tanıstı.
“Ózbekstan – 2030” strategiyasında xalıqtıń salamatlıǵın támiyinlew, medicina sapasın arttırıw boyınsha kóplegen wazıypalar belgilengen. Bul reformalardı jedellestiriw hám turmısımızǵa nátiyjeli en jaydırıw maqsetinde xalıqaralıq ekspertler qatnasıwında usınıslar islep shıǵıldı.
Oǵan bola, Densawlıqtı saqlaw ministrligi strukturasındaǵı mámleketlik shólkem formasında “Densawlıqtı saqlaw joybarları orayı” joybar ofisin shólkemlestiriw usınıs etilmekte. Ol mámleketlik medicinalıq qamsızlandırıw sistemasın hám mámleket tárepinen kepillengen biypul medicinalıq xızmetler hám dári quralları paketin tolıq engiziw, medicinalıq xızmetlerdiń sapası hám qáwipsizligi ústinen qadaǵalaw sistemasın kúsheytiw, kadrlardıń potencialın arttırıw, medicinalıq bilimlendiriw sisteması hám ilim tarawın xalıqaralıq standartlar tiykarında rawajlandırıw sıyaqlı baǵdarlarǵa juwapker etip belgilenedi. Sonday-aq, bul oray sanlı texnologiyalardı keńnen engiziw, mámleketlik-jeke menshik sheriklik joybarların jedellestiriw, jeke sektordı keńeytiw, mámleketlik satıp alıwlardıń ashıqlıǵın arttırıw, farmacevtika tarawın reformalawǵa járdemlesedi.
Joybar ofisi jumısına qanigelestirilgen medicina orayları, joqarı bilimlendiriw hám ilimiy-izertlew shólkemleriniń tájiriybeli qánigeleri, sonday-aq, sırt elli ekspertler menen keńesgóyler shártnama tiykarında tartıladı.
Densawlıqtı saqlaw tarawında belgilengen reformalar jetik kadrlar potencialın talap etedi. Sonıń ushın, bul baǵdarda bir qansha ilajlar názerde tutılmaqta.
Atap aytqanda, Tashkent medicinalıq akademiyasınıń bilimlendiriw baǵdarlamaları xalıqaralıq akkreditaciyadan ótkeriledi. Onda jámiyet salamatlıǵı, profilaktikalıq medicina, fizikalıq belsendilik qánigelikleri boyınsha magistrlik baǵdarları ashıladı. Medicina baǵdarındaǵı studentlerdiń bilimin xalıkaralıq tán alınǵan sistema tiykarında, eki basqıshta mámleketlik imtixanlar arqalı bahalaw jolǵa qoyıladı.
Joybar ofisi jumısına qanigelestirilgen medicina orayları, joqarı bilimlendiriw hám ilimiy-izertlew shólkemleriniń tájiriybeli qánigeleri, sonday-aq, sırt elli ekspertler menen keńesgóyler shártnama tiykarında tartıladı.
Densawlıqtı saqlaw tarawında belgilengen reformalar jetik kadrlar potencialın talap etedi. Sonıń ushın, bul baǵdarda bir qansha ilajlar názerde tutılmaqta.
Atap aytqanda, Tashkent medicinalıq akademiyasınıń bilimlendiriw baǵdarlamaları xalıqaralıq akkreditaciyadan ótkeriledi. Onda jámiyet salamatlıǵı, profilaktikalıq medicina, fizikalıq belsendilik qánigelikleri boyınsha magistrlik baǵdarları ashıladı. Medicina baǵdarındaǵı studentlerdiń bilimin xalıkaralıq tán alınǵan sistema tiykarında, eki basqıshta mámleketlik imtixanlar arqalı bahalaw jolǵa qoyıladı.
Kelesi oqıw jılınan baslap, aymaqlardaǵı mútájlikten kelip shıǵıp, medicinalıq oqıw orınlarınıń 200 pitkeriwshisi magistratura hám klinikalıq ordinatura baǵdarlamarı tiykarında jetekshi sırt el bilimlendiriw shólkemlerinde oqıtıladı.
Sonday-aq, qánigelestirilgen xirurgiya, kardiologiya, endokrinologiya, dermatovenerologiya hám kosmetologiya orayları, Balalar milliy medicina orayı hám Milliy medicina orayı xalıqaralıq akkreditaciyadan ótkeriledi.
Usı jılı ámeldegi 40 sanitariyalıq qaǵıyda hám normalar qayta kórip shıǵılıp, xalıqaralıq standartlarǵa muwapıqlastırıladı.
Mámleketimiz basshısı bul usınıslardı maqullap, usı áhmiyetli baǵdarlardı ámelge asırıw maqsetinde “jol kartası”n tastıyıqlaw boyınsha tapsırmalar berdi.