ÓzA
Sporttaǵı nátiyjeler hám rejeler boyınsha málimleme berildi
1520
Prezident Shavkat Mirziyoevqa sport tarawında erisilgen nátiyjeler hám xalıqaralıq jarıslarǵa kórilip atırǵan tayarlıq boyınsha málimleme berildi.
Mámleketimizde sport anaǵurlım ǵalaba en jayǵan, jaslar sportqa qızıǵıwshań. Mámleketimiz basshısınıń ideyası menen shólkemlestirilgen «Bes baslama olimpiadası» denetárbiya mádeniyatın bunnan bılay da keńnen en jaydırıwǵa xızmet etpekte.
Ótken jılı usı olimpiada sheńberindegi jarıslarda 6 million 400 mıń jas qamtıp alındı. Sport infrastrukturası jaqsı rawajlanbaǵan, alıs hám shetki aymaqlardaǵı máhállelerde 449 úlgili sport maydanshası qurıldı.
Bes basqıshlı ǵalabalıq jarıslarda derlik 12 mıń qábiletli jaslar tańlap alınıp, sport mekteplerine baǵdarlandı. Tarawdaǵı hár bir mektep belgili sport túrlerine qánigelestirilip, jańa inventarlar menen támiyinlendi. Bulardıń nátiyjesinde milliy saylandı komandalarǵa sportshı jetkerip beriw kórsetkishi de artpaqta.
Professional sportshılardı xalıqaralıq jarıslarǵa tayarlaw boyınsha da zárúr ilajlar kórilmekte. Házirgi kúnlerde Qubla Koreyada jas óspirimler arasında ótip atırǵan IV qısqı olimpiada oyınlarında lıja boyınsha sportshılarımız qatnaspaqta.
Bizge belgili, usı jılı Parij qalasında tórt jıllıqtıń eń abıraylı jarısı – jazǵı Olimpiada hám Paralimpiya oyınları bolıp ótedi. Házirgi waqıtqa shekem atletlerimiz olarǵa, sáykes túrde, 17 hám 34 jollamanı qolǵa kirgizgen. Sportshılarımızdıń jáne jollamalar alıwı hám jarısqa puqta tayarlıq kóriwi ushın barlıq sharayat jaratılǵan.
Bes basqıshlı ǵalabalıq jarıslarda derlik 12 mıń qábiletli jaslar tańlap alınıp, sport mekteplerine baǵdarlandı. Tarawdaǵı hár bir mektep belgili sport túrlerine qánigelestirilip, jańa inventarlar menen támiyinlendi. Bulardıń nátiyjesinde milliy saylandı komandalarǵa sportshı jetkerip beriw kórsetkishi de artpaqta.
Professional sportshılardı xalıqaralıq jarıslarǵa tayarlaw boyınsha da zárúr ilajlar kórilmekte. Házirgi kúnlerde Qubla Koreyada jas óspirimler arasında ótip atırǵan IV qısqı olimpiada oyınlarında lıja boyınsha sportshılarımız qatnaspaqta.
Bizge belgili, usı jılı Parij qalasında tórt jıllıqtıń eń abıraylı jarısı – jazǵı Olimpiada hám Paralimpiya oyınları bolıp ótedi. Házirgi waqıtqa shekem atletlerimiz olarǵa, sáykes túrde, 17 hám 34 jollamanı qolǵa kirgizgen. Sportshılarımızdıń jáne jollamalar alıwı hám jarısqa puqta tayarlıq kóriwi ushın barlıq sharayat jaratılǵan.
2025-jılı Tashkentte ótkeriliwi rejelestirilip atırǵan jaslar arasında Aziya hám Paraaziya oyınlarına da tayarlıq kórilmekte. Olimpiada qalashasınıń qurılısı jedel dawam etpekte.
Usı jılı sociallıq baǵdarlamalar sheńberinde 42 sport imaratın qurıw hám rekonstrukciyalaw rejelestirilgen. «Bes baslama olimpiadası»nıń qamtıp alıwın jáne de keńeytken halda, qatnasıwshılardıń sanın 7 millionǵa jetkeriw mólsherlengen. Sport mekteplerinde qosımsha mıńnan aslam toparlar ashıw názerde tutılǵan.
Mámleketimiz basshısı sport bilimlendiriwin rawajlandırıw, sportshılardı xalıqaralıq jarıslarǵa tayarlawda aldınǵı kózqaraslardı qollanıw boyınsha kórsetpeler berdi.