Qaraqalpaqstanda kaustik soda islep shıǵarıwdı jolǵa qoyıw boyınsha kelisimge qol qoyıldı
1921
Aldın xabar bergenimizdey, húrmetli Prezidentimizdiń tapsırması menen Joqarǵı Keńes Baslıǵı basshılıǵındaǵı Qaraqalpaqstan delegaciyası Qıtayda Ózbekstan-Qıtay aymaqlar aralıq forumında qatnasıp atır. Forumda bir qatar iri investiciyalıq joybarlar boyınsha birge islesiw baǵdarında kelisimlerge erisiliwi rejelestirilgen.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵındaǵı Qaraqalpaqstan delegaciyası forum sheńberinde «Xinjiang silk road golden camel» kompaniyası jumısları menen jaqınnan tanıstı.
Kompaniya adminstraciyası menen eki tárepleme birge islesiw, perspektivalı joybarlar ústinde jumıs alıp barıw, sonday-aq, Qaraqalpaqstan Respublikasınıń Qońırat rayonı aymaǵında dáslepki bahası 108,9 mln. dollarlıq kaustik soda islep shıǵarıwdı jolǵa qoyıw boyınsha kelisimge erisildi.
Aytıp ótiw orınlı, Ózbekstan Respublikası hám Qıtay Xalıq Respublikası arasında birge islesiw boyınsha ámelge asırılıp atırǵan jumıslar kólemi jańa basqıshqa kóterilmekte. Búgingi kúnde Ózbekstanda Qıtay kapitalı qatnasındaǵı 2 mıńnan aslam kárxana nátiyjeli jumıs alıp barmaqta.
Ótken jılı Qıtay kompaniyaları qatnasında ulıwma bahası derlik 2 milliard dollarlıq 60 tan aslam joybar nátiyjeli ámelge asırılǵan. Bul baǵdarda Qaraqalpaqstanda da Qıtay kompaniyaları menen birge islesiw boyınsha bir qatar jumıslar ámelge asırılmaqta.
Ótkerilip atırǵan forum sheńberinde Qaraqalpaqstanda jańa kárxana hám zavodlardı iske túsiriw boyınsha perspektivalı joybarlardı ámelge asırıw baǵdarındaǵı sóylesiwler dawam etpekte.
Aytıp ótiw orınlı, Ózbekstan Respublikası hám Qıtay Xalıq Respublikası arasında birge islesiw boyınsha ámelge asırılıp atırǵan jumıslar kólemi jańa basqıshqa kóterilmekte. Búgingi kúnde Ózbekstanda Qıtay kapitalı qatnasındaǵı 2 mıńnan aslam kárxana nátiyjeli jumıs alıp barmaqta.
Ótken jılı Qıtay kompaniyaları qatnasında ulıwma bahası derlik 2 milliard dollarlıq 60 tan aslam joybar nátiyjeli ámelge asırılǵan. Bul baǵdarda Qaraqalpaqstanda da Qıtay kompaniyaları menen birge islesiw boyınsha bir qatar jumıslar ámelge asırılmaqta.
Ótkerilip atırǵan forum sheńberinde Qaraqalpaqstanda jańa kárxana hám zavodlardı iske túsiriw boyınsha perspektivalı joybarlardı ámelge asırıw baǵdarındaǵı sóylesiwler dawam etpekte.
Qaraqalpaqstan Respublikası Joqarǵı Keńesiniń Málimleme xızmeti