Ózbekstan Prezidenti Qıtay Mámleketlik keńesi Bas ministri menen ushırastı
2697
Ózbekstan Respublikası Prezidenti Shavkat Mirziyoev Qıtay Xalıq Respublikasına mámleketlik saparın QXR Mámleketlik keńesi Bas ministri Li Cyan menen ushırasıwdan basladı.
Xalıq jıyınları úyinde ótken ushırasıwda kóp qırlı ámeliy birge islesiwdi, eń dáslep, sawda-ekonomikalıq tarawda jáne de keńeytiw máseleleri kórip shıǵıldı.
QXR húkimeti basshısı eki mámleket jetekshileriniń siyasiy kóz-qarası hám birgeliktegi háreketleri sebepli Ózbekstan-Qıtay múnásibetleri barlıq taraw hám jónelislerde úlken kólemde kóterilgenligin atap ótti.
Ótken jılda tovar almasıw 50 payızǵa artıp, rekord kórsetkish – 14 milliard dollarǵa jetti. Bul kórsetkishti, sonnan, joqarı sapalı sanaat hám awıl xojalıǵı ónimlerin óz-ara jetkerip beriwdi kóbeytiw esabına 20 mlrd. dollarǵa jetkeriw ushın potencial bar ekenligi atap ótildi. Qıtaydan Ózbekstan ekonomikasına kirgizilgen investiciyalardıń ulıwmalıq kólemi 14 mlrd. dollardan astı.
Infrastrukturanı modernizaciyalaw, sanaat kooperaciyasın, awıl xojalıǵında texnologiyalar transferin keńeytiw hám «jasıl» energetikanı rawajlandırıw boyınsha óz aldına birge islesiw baǵdarlamaların tayarlaw máseleleri talqılandı.
Sonday-aq, Qıtaydıń jetekshi bank-finans institutları menen ámeliy birge islesiwdi tereńlestiriw hámde Qıtay kompaniyalarınıń mámleketimizdegi menshiklestiriw proceslerinde qatnasıwı perspektivaları kórip shıǵıldı.
22-yanvar kúni Urumchi qalasında ótken birinshi Ózbekstan-Qıtay aymaqlar aralıq forumı hám sanaat kórgizbesi nátiyjeleri joqarı bahalandı.
Qıtayda usı kúnleri bilimlendiriw forumı hám Ózbekstan mádeniyatı kúnleri nátiyjeli ótkerilip atırǵanlıǵı atap ótildi. Tárepler avia qatnawlar hám turistlik almasıwlardı jánede keńeytiw áhmiyetli ekenligin atap ótti.
Juwmaǵında Prezidentimiz QXR Mámleketlik keńesi Bas ministrin sapar menen Ózbekstanǵa keliwge usınıs bildirdi.
Ótken jılda tovar almasıw 50 payızǵa artıp, rekord kórsetkish – 14 milliard dollarǵa jetti. Bul kórsetkishti, sonnan, joqarı sapalı sanaat hám awıl xojalıǵı ónimlerin óz-ara jetkerip beriwdi kóbeytiw esabına 20 mlrd. dollarǵa jetkeriw ushın potencial bar ekenligi atap ótildi. Qıtaydan Ózbekstan ekonomikasına kirgizilgen investiciyalardıń ulıwmalıq kólemi 14 mlrd. dollardan astı.
Infrastrukturanı modernizaciyalaw, sanaat kooperaciyasın, awıl xojalıǵında texnologiyalar transferin keńeytiw hám «jasıl» energetikanı rawajlandırıw boyınsha óz aldına birge islesiw baǵdarlamaların tayarlaw máseleleri talqılandı.
Sonday-aq, Qıtaydıń jetekshi bank-finans institutları menen ámeliy birge islesiwdi tereńlestiriw hámde Qıtay kompaniyalarınıń mámleketimizdegi menshiklestiriw proceslerinde qatnasıwı perspektivaları kórip shıǵıldı.
22-yanvar kúni Urumchi qalasında ótken birinshi Ózbekstan-Qıtay aymaqlar aralıq forumı hám sanaat kórgizbesi nátiyjeleri joqarı bahalandı.
Qıtayda usı kúnleri bilimlendiriw forumı hám Ózbekstan mádeniyatı kúnleri nátiyjeli ótkerilip atırǵanlıǵı atap ótildi. Tárepler avia qatnawlar hám turistlik almasıwlardı jánede keńeytiw áhmiyetli ekenligin atap ótti.
Juwmaǵında Prezidentimiz QXR Mámleketlik keńesi Bas ministrin sapar menen Ózbekstanǵa keliwge usınıs bildirdi.