Qaraqalpaqstan Respublikasında Respublika isshi toparı basshılıǵında keńeytilgen májilis ótkerildi
1177
Ózbekstan Respublikası Bas ministriniń orınbasarı J.Xodjaev basshılıǵındaǵı isshi topar tárepinen Qaraqalpaqstan Respublikası Ministrler Keńesiniń úlken májilisler zalında investiciyalıq joybarlardı qollap-quwatlaw hám jańa joybarlardı iske túsiriwde ushırasıp atırǵan mashqalalardı anıqlaw hám olardı saplastırıw boyınsha isbilermenler menen keńeytilgen májilis bolıp ótti. Májiliste Bas prokurordıń orınbasarı B.Valiev, Ózbekstan Respublikası Prezidenti janındaǵı Isbilermenlik subektleriniń huqıqları hám nızamlı máplerin qorǵaw boyınsha wákili D.Kosimov, Qaraqalpaqstan Respublikası Joqarǵı Keńesiniń Baslıǵı Amanbay Orınbaev, Ministrler Keńesiniń Baslıǵı F.Ermanovlar qatnastı. 
Aytıp ótiw kerek, Qaraqalpaqstan Respublikasında mámleketlik investiciya baǵdarlamaları sheńberinde bir qatar iri hám perspektivalı investiciyalıq joybarları qáliplestirilgen bolıp, usı joybarlardıń iske túsiriliwi nátiyjesinde puqaralar ushın jańadan turaqlı hám dáramatlı jumıs orınları jaratılıwı rejelestirilgen. Keńeytilgen májilis dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi. Sonday-aq, usı májiliste qıtaylı investorlar menen ZOOM arqalı baylanısıp, Qaraqalpaqstan Respublikası aymaǵında ámelge asırılatuǵın iri investiciyalıq joybarları haqqında kelisip alındı. Bunnan tısqarı, waqıt talap etiletuǵın múrájatlar qadaǵalawǵa alınıp, tez pursatta unamlı sheshiw boyınsha tiyisli taraw basshılarına tapsırmalar berildi. Májilis sońında wazıypalar belgilep alındı.
Aytıp ótiw kerek, Qaraqalpaqstan Respublikasında mámleketlik investiciya baǵdarlamaları sheńberinde bir qatar iri hám perspektivalı investiciyalıq joybarları qáliplestirilgen bolıp, usı joybarlardıń iske túsiriliwi nátiyjesinde puqaralar ushın jańadan turaqlı hám dáramatlı jumıs orınları jaratılıwı rejelestirilgen. Keńeytilgen májilis dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi. Sonday-aq, usı májiliste qıtaylı investorlar menen ZOOM arqalı baylanısıp, Qaraqalpaqstan Respublikası aymaǵında ámelge asırılatuǵın iri investiciyalıq joybarları haqqında kelisip alındı. Bunnan tısqarı, waqıt talap etiletuǵın múrájatlar qadaǵalawǵa alınıp, tez pursatta unamlı sheshiw boyınsha tiyisli taraw basshılarına tapsırmalar berildi. Májilis sońında wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti