Respublika tez járdem orayı aymaqlıq filialınıń ashılıw máresimi bolıp ótti
2005
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jańa imarat paydalanıwǵa tapsırılıwı múnásibeti menen jıynalǵanlardı qutlıqladı. 
Bárshemizge málim, medicina tarawı tikkeley húrmetli Prezidentimizdiń itibarında turǵan tarawlardan biri. Sońǵı jılları elimizde Prezidentimizdiń basshılıǵında «Medicinadaǵı reformalar insan qádiri ushın!» degen ideya tiykarında keń kólemli jumıslar ámelge asırılmaqta. Ótken qısqa dáwir ishinde tarawǵa baylanıslı qabıl etilgen párman hám qararlar bul baǵdardaǵı ilajlar kólemin jańa basqıshlarǵa kóterip atır. Ayrıqsha atap ótiw kerek, húrmetli Prezidentimizdiń 2022-jıl 16-iyundaǵı arnawlı qararı tez medicinalıq járdem xızmetin rawajlandırıwda áhmiyetli orın tutpaqta. Usı tiykarda Respublika tez medicinalıq járdem orayı shólkemlestirildi hám tez medicinalıq járdemniń birden-bir vertikal basqarıw sisteması jolǵa qoyıldı, materiallıq-texnikalıq bazası bekkemlenip, zárúrli úskeneler menen támiyinlendi. 
Filialdıń jańa imaratı ushın derlik 11 mlrd. sum qarjı ajıratılıp, qurılıs jumısları sapalı etip pitkerildi. Oraydı radio-baylanıs quralları menen támiyinlew maqsetinde 7,5 mlrd. sum, mebeller menen támiyinlew ushın 1 mlrd. sum, «Tez járdem» avtotransportların planshetler menen támiyinlew ushın 734 mln. sum qarjı ajıratıldı. Jańa obektte «Call-orayı», oqıw-simulyaciya orayı, administraciya, ishki dárixana hám tez medicinalıq járdem bólimi orın alǵan. Jılına 670 mıńǵa shamalas shaqırıwlarǵa xızmet kórsetiw imkaniyatına iye filialdıń iske túsiwi menen 135 jańa jumıs ornı jaratılǵan. Bunnan soń Joqarǵı Keńes Baslıǵı imaratta jaratılgan imkaniyatlar menen jaqınnan tanıstı.
Bárshemizge málim, medicina tarawı tikkeley húrmetli Prezidentimizdiń itibarında turǵan tarawlardan biri. Sońǵı jılları elimizde Prezidentimizdiń basshılıǵında «Medicinadaǵı reformalar insan qádiri ushın!» degen ideya tiykarında keń kólemli jumıslar ámelge asırılmaqta. Ótken qısqa dáwir ishinde tarawǵa baylanıslı qabıl etilgen párman hám qararlar bul baǵdardaǵı ilajlar kólemin jańa basqıshlarǵa kóterip atır. Ayrıqsha atap ótiw kerek, húrmetli Prezidentimizdiń 2022-jıl 16-iyundaǵı arnawlı qararı tez medicinalıq járdem xızmetin rawajlandırıwda áhmiyetli orın tutpaqta. Usı tiykarda Respublika tez medicinalıq járdem orayı shólkemlestirildi hám tez medicinalıq járdemniń birden-bir vertikal basqarıw sisteması jolǵa qoyıldı, materiallıq-texnikalıq bazası bekkemlenip, zárúrli úskeneler menen támiyinlendi. Filialdıń jańa imaratı ushın derlik 11 mlrd. sum qarjı ajıratılıp, qurılıs jumısları sapalı etip pitkerildi. Oraydı radio-baylanıs quralları menen támiyinlew maqsetinde 7,5 mlrd. sum, mebeller menen támiyinlew ushın 1 mlrd. sum, «Tez járdem» avtotransportların planshetler menen támiyinlew ushın 734 mln. sum qarjı ajıratıldı. Jańa obektte «Call-orayı», oqıw-simulyaciya orayı, administraciya, ishki dárixana hám tez medicinalıq járdem bólimi orın alǵan. Jılına 670 mıńǵa shamalas shaqırıwlarǵa xızmet kórsetiw imkaniyatına iye filialdıń iske túsiwi menen 135 jańa jumıs ornı jaratılǵan. Bunnan soń Joqarǵı Keńes Baslıǵı imaratta jaratılgan imkaniyatlar menen jaqınnan tanıstı.
Qaraqalpaqstan Respublikası Joqarǵı Keńesiniń Málimleme xızmeti