Nókis qalasındaǵı Respublikalıq qıstawlı medicinalıq járdem ilimiy orayı Qaraqalpaqstan filialı jańa imaratınıń ashılıw saltanatı bolıp ótti
2293
Ashılıw saltanatında Joqarǵı Keńes Baslıǵı Amanbay Orınbaev shıǵıp sóylep, jańa imarattıń paydalanıwǵa tapsırılıwı menen taraw xızmetkerlerin qutlıqladı hám húrmetli Prezidentimizdiń ayrıqsha itibarı menen bunday medicinalıq oray Ózbekstan kóleminde birinshi bolıp, Qaraqalpaqstanda boy tiklegenin atap ótti. Aytıp ótiw orınlı elimizde barlıq tarawlar qatarında densawlıqtı saqlaw tarawında da úlken ózgerisler menen jańalanıwlar júz bermekte. Tarawdı rawajlandırıw boyınsha qabıl etilip atırǵan párman hám qararlar, belgilep berilgen wazıypalar keń kólemli jumıslarǵa bekkem tiykar bolıp xızmet etpekte. Usınday iygilikli islerdiń dawamı sıpatında búgin Respublikalıq qıstawlı medicinalıq járdem orayınıń jańa imaratı paydalanıwǵa tapsırıldı. 
Húrmetli Prezidentimizdiń arnawlı qararı menen ajıratılǵan 61 mlrd. sum qarjı tiykarında 4 qabatlı etip qurıp pitkerilgen jańa imarat zamanagóy medicinalıq ásbap-úskeneler hám zárúrli inventarlar menen támiyinlendi. Jaratılǵan múmkinshilikler nátiyjesinde usı kúnge shekem Tashkent qalasında ótkerilip kelingen ayırım quramalı operaciyalardı Orayda ótkeriw imkaniyatı jaratıldı. Imarat 130 orınǵa mѳlsherlengen bolıp, bunnan tısqarı, qosımsha 50 orın shólkemlestiriliwi rejelestirilmekte. 
Sonday-aq, sırt eldiń tájiriybeli shıpakerleri emlewxanaǵa keliwi hám ayırım quramalı operaciyalardıń jasalma intelekt járdeminde ámelge asırılıwı, Oray shıpakerleriniń Evropa hám basqa da dúnya ellerine tájiriybesin arttırıw maqsetinde jiberiliwi hám usı tiykarda Oraydıń ózinde shet elden kelgen tájiriybeli shıpakerlerden master-klasslar shólkemlestiriliwi kútilmekte. Ashılıw máresimi dawamında Joqarǵı Keńes Baslıǵı Orayda jaratılǵan imkaniyatlar menen jaqınnan tanıstı.
Húrmetli Prezidentimizdiń arnawlı qararı menen ajıratılǵan 61 mlrd. sum qarjı tiykarında 4 qabatlı etip qurıp pitkerilgen jańa imarat zamanagóy medicinalıq ásbap-úskeneler hám zárúrli inventarlar menen támiyinlendi. Jaratılǵan múmkinshilikler nátiyjesinde usı kúnge shekem Tashkent qalasında ótkerilip kelingen ayırım quramalı operaciyalardı Orayda ótkeriw imkaniyatı jaratıldı. Imarat 130 orınǵa mѳlsherlengen bolıp, bunnan tısqarı, qosımsha 50 orın shólkemlestiriliwi rejelestirilmekte. Sonday-aq, sırt eldiń tájiriybeli shıpakerleri emlewxanaǵa keliwi hám ayırım quramalı operaciyalardıń jasalma intelekt járdeminde ámelge asırılıwı, Oray shıpakerleriniń Evropa hám basqa da dúnya ellerine tájiriybesin arttırıw maqsetinde jiberiliwi hám usı tiykarda Oraydıń ózinde shet elden kelgen tájiriybeli shıpakerlerden master-klasslar shólkemlestiriliwi kútilmekte. Ashılıw máresimi dawamında Joqarǵı Keńes Baslıǵı Orayda jaratılǵan imkaniyatlar menen jaqınnan tanıstı.
Qaraqalpaqstan Respublikası Joqarǵı Keńesiniń Málimleme xızmeti