Qaraqalpaqstan Respublikası Joqarǵı Keńesiniń Baslıǵı Amanbay Orınbaev Kembridj xalıqaralıq eksperti Stiv King menen ushırastı
1333
Onda Ózbekstan Respublikası Mektepke shekemgi hám mektep bilimlendiriwi ministri X.Umarova video baylanıs arqalı, Qaraqalpaqstan Respublikası Mektepke shekemgi hám mektep bilimlendiriwi ministri G.Kojabaeva qatnastı.
Ushırasıwda bilimlendiriw tarawında innovaciyalıq jańalanıwlardı, ulıwma orta bilimlendiriw mákemeleriniń oqıw processine xalıqaralıq tán alınǵan bilimlendiriw baǵdarlamaların engiziw, bilimlendiriw tarawında xızmet kѳrsetiwshi xalıqaralıq shѳlkemler menen birge islesiw hám basqa da áhmiyetli máseleler boyınsha sóylesildi.
Sonıń menen birge, húrmetli Prezidentimiz tárepinen tarawǵa qaratılıp atırǵan itibar keń túrde atap ótildi.
Onda sonday-aq, respublikamızda mámleketlik ulıwma orta bilim beriw mekteplerinde xalıqaralıq «Kembridj» oqıw baǵdarlamasın jolǵa qoyıw máseleleri talqılandı.
Aytıp ótiw orınlı, Nѳkis qalasındaǵı 46-sanlı mektep (Progresc) respublikamızdaǵı eń aldıńǵı mekteplerdiń biri bolıp, balalarǵa joqarı dárejede sapalı bilim beriwde ornı girewli bolıp kelgen. Biraq, ayırım sebeplerge bola kórsetkishleri biraz páseyip, bilim beriw dárejesin reformalaw talap etilmekte.
Usı maqsette respublikamizda birinshi márte 46-sanlı ulıwma orta bilim beriw mektebinde (Progress) xalıqaralıq tán alınǵan Kembridj oqıw baǵdarlaması tiykarında oqıw processin jańa oqıw jılınan baslap jolǵa qoyıw rejelestirilmekte.
Ótkerilgen ushırasıwda bilimlendiriw tarawın rawajlandırıw, bul baǵdarda aldaǵı rejege kirgizilgen jumıslar kólemin ele de keńeytiw, birge islesiwdi bekkemlew áhmiyetli ekenligi atap ótildi.
Aytıp ótiw orınlı, Nѳkis qalasındaǵı 46-sanlı mektep (Progresc) respublikamızdaǵı eń aldıńǵı mekteplerdiń biri bolıp, balalarǵa joqarı dárejede sapalı bilim beriwde ornı girewli bolıp kelgen. Biraq, ayırım sebeplerge bola kórsetkishleri biraz páseyip, bilim beriw dárejesin reformalaw talap etilmekte.
Usı maqsette respublikamizda birinshi márte 46-sanlı ulıwma orta bilim beriw mektebinde (Progress) xalıqaralıq tán alınǵan Kembridj oqıw baǵdarlaması tiykarında oqıw processin jańa oqıw jılınan baslap jolǵa qoyıw rejelestirilmekte.
Ótkerilgen ushırasıwda bilimlendiriw tarawın rawajlandırıw, bul baǵdarda aldaǵı rejege kirgizilgen jumıslar kólemin ele de keńeytiw, birge islesiwdi bekkemlew áhmiyetli ekenligi atap ótildi.
Qaraqalpaqstan Respublikası Joqarǵı Keńesiniń Málimleme xızmeti