Qaraqalpaqstan Respublikası Muzlatqıshlı sıyımlar birlespesine aǵza subektlerge muzlatqıshlı sıyımlardı qurıw, úskenelew hám elektr energiyası tutınıwınıń bir bólegin qaplaw boyınsha Ministrler Kabinetiniń tiyisli qararı qabıl etildi

Qarar menen Qaraqalpaqstan Respublikası Muzlatqıshlı sıyımlar birlespesine aǵza subektlerge kooperaciya shólkemlestirgen túrde muzlatqıshlı sıyımlardı qurıw, úskenelew, qıs hám báhár aylarında elektr energiyası tutınıwınıń bir bólegin qaplaw tártibi haqqında arnawlı reje tastıyıqlandı. Birlespege aǵza subektlerga kooperaciya shólkemlestirgen halda, muzlatqıshlı sıymlardı qurıw hám úskenelew qárejetleriniń 30 payızı, yaǵnıy, 150 mln. sumnan artıq bolmaǵan muǵdarda subsidiya beriledi. Arza beriwshi subsidiya ajıratıw boyınsha Awıl xojalıǵına xızmetler kórsetiw agentligine «Agro-subsidiya» málimleme sisteması arqalı elektron arza menen múrájat etedi. Agentlik subsidiya qarjıların úsh jumıs kúni ishinde subekttiń kommerciyalıq banktegi tiykarǵı esap betine ótkerip beredi. Elektr energiyası tutınıwshısı esabat ayında jumsaǵan elektr energiyası bahasınıń 50 payızın, biraq, hár bir esabat ayı ushın 15 mıń kilovatt saat elektr energiyası bahasınan aspaǵan muǵdarda Ózbekstan Respublikasınıń respublika byudjetinen qaplaw ushın subsidiya alıw maqsetinde rayon (qala) elektr tarmaqları mákemesi menen dúzilgen salıstırıw akti hám esap-fakturalardı esabat ayınan keyingi aydıń 10-sánesine shekem «Agro-subsidiya» málimleme sisteması arqalı Agentlikke jiberedi. Agentlik subsidiya qarjıların subekttiń kommerciyalıq banktegi tiykarǵı esap betine ótkerip beredi.