Nókis qalası hám wálayat orayları ushın mıń avtobus satıp alınadı

Ministrler Kabinetiniń 92-sanlı qararı menen Ózbekstan Respublikasınıń 2024-jıl I-sheregine mólsherlengen investiciyalıq baǵdarlama qabıl etildi. Usı Baǵdarlamaǵa muwapıq 2024-jılı Qıtay Eksim banki Transport ministrligine tábiyǵıy gazde háreketlenetuǵın 1000 dana avtobus hám «Toshshahartransxızmet» kárxanası ushın 200 dana elektrobus satıp alıwı ushın jámi 180 million dollar muǵdarında  qarjı ajıratadı. Sonıń ishinde, Nókis qalası hám wálayat oraylarınıń jámiyetlik transportı ushın 1000 qısılǵan tábiyǵıy gazde háreketlenetuǵın úlken sıyımdaǵı avtobuslar satıp alıw ushın xalıqaralıq qarjı shólkeminen 120 million dollar tartıladı. Sonday-aq, «Toshshahartransxızmet» AJ tárepinen háreket quramın 200 dana úlken sıyımdaǵı elektrobuslar jáne olar ushın quwatlaw úskenelerin satıp alıw jolı menen jańalawdı shólkemlestiriw ushın bolsa Qıtay Eksim bankinen 60 million dollar tartıladı.