Tashkent qalasında sanaat, infrastruktura hám turizmdi rawajlandırıw máseleleri dodalandı
1362
Prezident Shavkat Mirziyoevqa 27-fevral kúni Tashkent qalasında sanaat hám xızmetler kórsetiw tarawları hám infrastrukturanı rawajlandırıw boyınsha hújjetler joybarları boyınsha málimleme berildi.
«Ózbekstan – 2030» strategiyasın «Jaslar hám biznesti qollap-quwatlaw jılı»nda ámelge asırıwǵa baylanıslı mámleketlik baǵdarlamada isbilermenlikti rawajlandırıwdı qollap-quwatlaw, suw hám basqa da tábiyǵıy resurslardan únemli paydalanıw, aymaqlardıń turizm potencialın júzege shıǵarıw, xalıqtıń turaq jay sharayatları hám qalalar infrastrukturasın jaqsılaw boyınsha bir qatar maqset hám wazıypalar belgilengen.
Búgingi májiliste bul baǵdardaǵı jumıslardı paytaxtta shólkemlestiriw máseleleri dodalandı.
Atap aytqanda, isbilermenlik subektleriniń investiciyalıq joybarların ámelge asırıwdı ápiwayılastırıw maqsetinde Tashkent qalasında akcionerlik jámiyeti tárizinde «Tashkent invest kompaniyası» shólkemlestirilgen. Kompaniya bos jer uchastkaları negizinde investiciyalıq joybarlardı ámelge asırıw menen shuǵıllanadı.
Usı múnásibet penen mámleketlik-jeke menshik sheriklik shártlerinde joybarlardı ámelge asırıwdıń ápiwayılastırılǵan tártibi, paytaxtta renovaciya joybarların ámelge asırıw tártibi, «turmıslıq dáwir shártnaması» tiykarında birge islesiw tártibi tastıyıqlanbaqta.
Prezentaciyada Yangihayot rayonınıń sanaat potencialın arttırıw hám joqarı texnologiyalarǵa tiykarlanǵan óndirislerdi jolǵa qoyıw maqsetinde shólkemlestiriliwi rejelestirilgen «Yangi avlod» arnawlı sanaat zonası haqqında málimleme berildi. 664,5 gektar maydandı iyeleytuǵın sanaat zonası aymaǵında jaqın jıllarda 1,5 milliard dollar muǵdarında tikkeley sırt el investiciyaların ózlestiriw, 2,5 mıń jańa jumıs orınların jaratıw, jılına 1 trillion sumnan aslam sanaat ónimlerin islep shıǵarıw hám 5 million dollar muǵdarında eksporttı ámelge asırıw rejelestirilmekte.
Paytaxtta turizm xızmetleri hám infrastrukturanı rawajlandırıw boyınsha usınıslar da kórip shıǵıldı.
Usı maqsette Tashkenttiń Mirabad, Almazar, CHilanzar, Uchtepa, Shayxantaxur, Yunusabad, Yakkasaray hám Yashnabad rayonlarında tiyisli ilajlar baǵdarlamasın ámelge asırıw rejelestirilgen. Baǵdarlamada gastronomiyalıq turizm hám «ónermentler» kóshelerin shólkemlestiriw, zamanagóy sawda-servis obektlerin hám miymanxanalar qurıw, kanallar jaǵasında jasıl hám dem alıw aymaqların qurıw názerde tutılǵan.
Bul baǵdardaǵı jumıslardı máhálle dárejesinde shólkemlestiriw, onda máhállelerdiń ósiw noqatların anıqlap, belgili jumıs túrine qánigelestiriw hám aymaqlardı kóklemzarlastırıw boyınsha «Ándijan tájiriybesi»nen keńnen paydalanıw zárúr ekeni atap ótildi.
Mámleketimiz basshısı usınılǵan hújjet joybarların hám usınıslardı maqullap, olardıń orınlanıwın sapalı hám nátiyjeli shólkemlestiriw boyınsha juwapkerlerge bir qatar tapsırmalar berdi.
Usı múnásibet penen mámleketlik-jeke menshik sheriklik shártlerinde joybarlardı ámelge asırıwdıń ápiwayılastırılǵan tártibi, paytaxtta renovaciya joybarların ámelge asırıw tártibi, «turmıslıq dáwir shártnaması» tiykarında birge islesiw tártibi tastıyıqlanbaqta.
Prezentaciyada Yangihayot rayonınıń sanaat potencialın arttırıw hám joqarı texnologiyalarǵa tiykarlanǵan óndirislerdi jolǵa qoyıw maqsetinde shólkemlestiriliwi rejelestirilgen «Yangi avlod» arnawlı sanaat zonası haqqında málimleme berildi. 664,5 gektar maydandı iyeleytuǵın sanaat zonası aymaǵında jaqın jıllarda 1,5 milliard dollar muǵdarında tikkeley sırt el investiciyaların ózlestiriw, 2,5 mıń jańa jumıs orınların jaratıw, jılına 1 trillion sumnan aslam sanaat ónimlerin islep shıǵarıw hám 5 million dollar muǵdarında eksporttı ámelge asırıw rejelestirilmekte.
Paytaxtta turizm xızmetleri hám infrastrukturanı rawajlandırıw boyınsha usınıslar da kórip shıǵıldı.
Usı maqsette Tashkenttiń Mirabad, Almazar, CHilanzar, Uchtepa, Shayxantaxur, Yunusabad, Yakkasaray hám Yashnabad rayonlarında tiyisli ilajlar baǵdarlamasın ámelge asırıw rejelestirilgen. Baǵdarlamada gastronomiyalıq turizm hám «ónermentler» kóshelerin shólkemlestiriw, zamanagóy sawda-servis obektlerin hám miymanxanalar qurıw, kanallar jaǵasında jasıl hám dem alıw aymaqların qurıw názerde tutılǵan.
Bul baǵdardaǵı jumıslardı máhálle dárejesinde shólkemlestiriw, onda máhállelerdiń ósiw noqatların anıqlap, belgili jumıs túrine qánigelestiriw hám aymaqlardı kóklemzarlastırıw boyınsha «Ándijan tájiriybesi»nen keńnen paydalanıw zárúr ekeni atap ótildi.
Mámleketimiz basshısı usınılǵan hújjet joybarların hám usınıslardı maqullap, olardıń orınlanıwın sapalı hám nátiyjeli shólkemlestiriw boyınsha juwapkerlerge bir qatar tapsırmalar berdi.
ÓzA