Joqarǵı Keńes Baslıǵı Shımbay rayonı belsendileri menen ushırastı
1443
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shımbay rayonındaǵı máhálle belsendileri, kóshe biyleri hám rayon juwapkerleri menen ushırastı. Onda dáslep, sońǵı jılları elimizde húrmetli Prezidentimizdiń tikkeley itibarı hám ǵamxorlıǵı menen ámelge asırılıp atırǵan keń kólemli ilajlar, tek ǵana Qaraqalpaqstan ushın berilgen imkaniyat hám jeńillikler, usı tiykarda xalqımız turmısına tereń kirip barıp atırǵan reformalar haqqında atap ótildi. Aytıp ótiw kerek, Shımbay rayonın rawajlandırıw boyınsha húrmetli Prezidentimiz tárepinen ajıratıp berilgen qarjılar tiykarında bir qatar jumıslar ámelge asırıldı. Xalıq iygiligi jolındaǵı bunday iygilikli ilajlar bıyılǵı jılda da dawam ettiriledi. 
Ótkerilgen ushırasıwda Shımbay rayonın rawajlandırıw boyınsha rayon hákiminiń 2024-jılda ámelge asırılıwı rejelestirilgen jumısları hám belgilengen wazıypaları boyınsha prezentaciyası tıńlandı. Joqarǵı Keńes Baslıǵı ushırasıwda ziyarat orınların abadanlastırıw, olarǵa alıp barıwshı jollardı ońlaw boyınsha jumıslar baslanǵanlıǵın atap ótti. Usı qatarda klassik ádebiyatımızdıń kórnekli wákilleri bolǵan Kúnxoja hám Berdaq babalarımız jerlengen «Qaraqum iyshan» qoyımshılıǵına alıp barıwshı jol qayta ońlanatuǵınlıǵı, qoyımshılıq ziyarat turizminde ayrıqsha áhmiyetli mánzillerdiń birine aylandırıw boyınsha ámeliy ilajlar kóriletuǵınlıǵı ayrıqsha tilge alındı.
Ótkerilgen ushırasıwda Shımbay rayonın rawajlandırıw boyınsha rayon hákiminiń 2024-jılda ámelge asırılıwı rejelestirilgen jumısları hám belgilengen wazıypaları boyınsha prezentaciyası tıńlandı. Joqarǵı Keńes Baslıǵı ushırasıwda ziyarat orınların abadanlastırıw, olarǵa alıp barıwshı jollardı ońlaw boyınsha jumıslar baslanǵanlıǵın atap ótti. Usı qatarda klassik ádebiyatımızdıń kórnekli wákilleri bolǵan Kúnxoja hám Berdaq babalarımız jerlengen «Qaraqum iyshan» qoyımshılıǵına alıp barıwshı jol qayta ońlanatuǵınlıǵı, qoyımshılıq ziyarat turizminde ayrıqsha áhmiyetli mánzillerdiń birine aylandırıw boyınsha ámeliy ilajlar kóriletuǵınlıǵı ayrıqsha tilge alındı.