Joqarǵı Keńes Baslıǵı Amanbay Orınbaev qala hám rayonlardaǵı hákim járdemshileri menen ushırastı
1542
Onda búgingi kúnde hákim járdemshileri tárepinen ámelge asırılıp atırǵan jumıslar, jol qoyılǵan kemshilikler hám aldaǵı wazıypalar boyınsha pikirlesildi. 2023-jıl dawamında hákim járdemshileri tárepinen isbilermenlikti rawajlandırıw, xalıqtıń bántligin támiyinlew hám kámbaǵallıqtı qısqartıw boyınsha bir qatar jumıslar ámelge asırılǵan bolıp, nátiyjede máhállelerde jańadan isbilermenlik subektleri shólkemlestirildi. Xalıqtıń bántligin támiyinlew boyınsha qatar ilajlar ámelge asırıldı. 
Degen menen, ayırım orınlardaǵı hákim járdemshileri tárepinen óz jumısına nemquraydılıq penen qaraw jaǵdayları da ushıraspaqta. Ótkerilgen ushırasıwda óz wazıypasın orınlawda qáte-kemshiliklerge jol qoyǵan bir qatar hákim járdemshileriniń jumısları sınǵa alındı. 
Sonıń menen bir qatarda, xalqımızdıń búgingi kúnnen razılıǵın támiyinlew, isbilermenlik subektlerin iske túsiriw, jańa jumıs orınların jaratıw hám basqa da baǵdarlar boyınsha wazıypalar belgilep alındı. Ushırasıw dawamında ózine biriktirilgen aymaǵında joqarı nátiyjelerge erisken, jumıs orınları jaratılıwına komeklesken hákim járdemshilerine Joqarǵı Keńestiń kókirek belgisi hám Húrmet jarlıǵı tapsırıldı.
Degen menen, ayırım orınlardaǵı hákim járdemshileri tárepinen óz jumısına nemquraydılıq penen qaraw jaǵdayları da ushıraspaqta. Ótkerilgen ushırasıwda óz wazıypasın orınlawda qáte-kemshiliklerge jol qoyǵan bir qatar hákim járdemshileriniń jumısları sınǵa alındı. Sonıń menen bir qatarda, xalqımızdıń búgingi kúnnen razılıǵın támiyinlew, isbilermenlik subektlerin iske túsiriw, jańa jumıs orınların jaratıw hám basqa da baǵdarlar boyınsha wazıypalar belgilep alındı. Ushırasıw dawamında ózine biriktirilgen aymaǵında joqarı nátiyjelerge erisken, jumıs orınları jaratılıwına komeklesken hákim járdemshilerine Joqarǵı Keńestiń kókirek belgisi hám Húrmet jarlıǵı tapsırıldı.
Qaraqalpaqstan Respublikası Joqarǵı Keńesiniń Málimleme xızmeti