Mektepke shekemgi hám mektep bilimlendiriwi tarawın rawajlandırıw máseleleri talqılandı
2611
Búgingi kúnde elimizde bilimlendiriw tarawına ayrıqsha itibar qaratılmaqta. Ótken qısqa dáwir ishinde tarawǵa baylanıslı bir qatar nızam, párman hám qararlardıń qabıl etilgeni bul baǵdardaǵı ilajlar kólemin jańa basqıshlarǵa kótermekte. Qaraqalpaqstan Respublikası Joqarǵı Keńesiniń Baslıǵı Amanbay Orınbaev mektepke shekemgi hám mektep bilimlendiriwi tarawında ámelge asırılıp atırǵan jumıslar, bul baǵdarda jol qoyılıp atırǵan kemshilikler hámde aldaǵı ámelge asırılıwı tiyis wazıypalarǵa arnalǵan videoselektor májilisin ótkerdi. 
Onda Ministrler Keńesiniń Baslıǵı F.Ermanov video baylanıs arqalı qatnastı. Májiliste atap ótilgenindey, sońǵı jılları bilimlendiriw sistemasın jańasha rawajlandırıwǵa, tárbiyashı hám muǵallimlerdiń jámiyettegi abırayın arttırıwǵa, olardı ruwxıy hám materiallıq qollap-quwatlawǵa, keleshegimiz iyesi bolǵan balalarımızdı, jaslardı hár tárepleme bilimli etip tárbiyalawǵa ayrıqsha itibar qaratılmaqta. Sońǵı bes jıldıń ishinde balalardı mektepke shekemgi bilimlendiriw mákemelerine qamtıw kórsetkishi keskin arttırılıp, ulıwma bilim beriw mektepleri sanı, pitkeriwshilerdiń joqarı oqıw orınlarına kiriw kórsetkishi kóbeytildi. 
Ótkerilgen májiliste jaratılıp berilip atırǵan usınshama imkaniyatlarǵa qaramay, tarawda sheshimin kútip turǵan bir qatar mashqalalar da bar ekenligi ayrıqsha tilge alındı, ayırım máseleler sın kóz-qarasta talqılandı. Sonday-aq, belgilengen tapsırmalardı orınlawda nemquraydılıq penen qaraǵanı ushın bir qatar mektepke shekemgi bilimlendiriw shólkemleri hám ulıwma bilim beriw mektepleri basshılarınıń lawazımına ılayıqlıǵın kórip shıǵıw boyınsha tapsırma berildi. Májilis juwmaǵında wazıypalar belgilep alındı.
Onda Ministrler Keńesiniń Baslıǵı F.Ermanov video baylanıs arqalı qatnastı. Májiliste atap ótilgenindey, sońǵı jılları bilimlendiriw sistemasın jańasha rawajlandırıwǵa, tárbiyashı hám muǵallimlerdiń jámiyettegi abırayın arttırıwǵa, olardı ruwxıy hám materiallıq qollap-quwatlawǵa, keleshegimiz iyesi bolǵan balalarımızdı, jaslardı hár tárepleme bilimli etip tárbiyalawǵa ayrıqsha itibar qaratılmaqta. Sońǵı bes jıldıń ishinde balalardı mektepke shekemgi bilimlendiriw mákemelerine qamtıw kórsetkishi keskin arttırılıp, ulıwma bilim beriw mektepleri sanı, pitkeriwshilerdiń joqarı oqıw orınlarına kiriw kórsetkishi kóbeytildi. Ótkerilgen májiliste jaratılıp berilip atırǵan usınshama imkaniyatlarǵa qaramay, tarawda sheshimin kútip turǵan bir qatar mashqalalar da bar ekenligi ayrıqsha tilge alındı, ayırım máseleler sın kóz-qarasta talqılandı. Sonday-aq, belgilengen tapsırmalardı orınlawda nemquraydılıq penen qaraǵanı ushın bir qatar mektepke shekemgi bilimlendiriw shólkemleri hám ulıwma bilim beriw mektepleri basshılarınıń lawazımına ılayıqlıǵın kórip shıǵıw boyınsha tapsırma berildi. Májilis juwmaǵında wazıypalar belgilep alındı.
Qaraqalpaqstan Respublikası Joqarǵı Keńesiniń Málimleme xızmeti