Elimizge jańalanıw, kewillerge miyrim-shápáát hám qádir-qımbat baǵıshlaǵan bayram saltanatı bolıp ótti
2895
Ásirler dawamında qáliplesken Nawrız – bul xalqımızdıń gózzal qádiriyatların ózinde jámlep, ata-babalarımızdan biybaha miyras sıpatında qásterlep-saqlanıp kiyatırǵan milliy bayram sıpatında kewillerden tereń orın iyeleydi. Ol sońǵı jılları oyanıw hám jasarıw tımsalı sıpatında xalqımız asıǵıp kútetuǵın, shın mánidegi ulıwma-xalıqlıq bayramǵa aylanıp kelmekte. Ásirese, bıyılǵı jılı bul bayram Húrmetli Prezidentimiz tárepinen qabıl etilgen arnawlı Qarar tiykarında pútkil elimiz boylap «Álem seniń menen nurǵa toladı, nawrız!» súreni astında kóterińki ruwxta ótkerilmekte. Álbette, bunda tereń máni bar. Sebebi, ulıstıń ullı kúni sanalǵan Nawrız bayramı insanlar arasında miyrim-shápáátlilik, qayır-saqawatlılıq ortalıǵın jáne de bekkemlewde, jas áwladtı milliy dástúrlerimiz benen qádiriyatlarımızǵa húrmet, ana-Watanımızǵa sadıqlıq ruwxında tárbiyalawda, óz-ara doslıq, awızbirshilik, milletler-aralıq tatıwlıqtı jáne de kúsheytiwde ayrıqsha orın iyeleydi. Usı jıldıń 19-mart kúni Nókis qalasında ulıwma xalıqlıq Nawrız seyiline baǵıshlanǵan teatrlastırılǵan hám ádebiy muzıkalı xoreografiyalıq bayram tamashaları Berdaq atındaǵı Qaraqalpaq mámleketlik akademiyalıq muzıkalı teatrı janında hám «Doslıq» kanalı boyında bolıp ótti. 
Bayram keshesine Qaraqalpaqstan Respublikası Joqarǵı Keńesiniń Baslıǵı Amanbay Orınbaev, húkimet aǵzaları, keń jámiyetshilik wakilleri qatnastı. Onda Joqarǵı Keńes Baslıǵı shıǵıp sóylep, gúllán xalqımızdı jańarıw hám jasarıw ayyyamı – Nawrız bayramı múnásibeti menen qutlıqladı. Joqarǵı Keńes Baslıǵı óz sózinde húrmetli Prezidentimiz jaratıp bergen imkaniyatlar nátiyjesinde márt hám azamat xalqımız qala hám awıllarımızda, barlıq tarawlarda joqarı sheklerge erisiw ushın pidayı miynet etip atırǵanlıǵı, bunda álbette, húrmetli Prezidentimiz tárepinen Qaraqalpaqstandı sociallıq-ekonomikalıq jaqtan rawajlandırıw, xalqımızdıń jasaw sharayatların jaqsılaw menen baylanıslı qabıl etilip atırǵan Párman hám Qararlar, Mámleketlik Baǵdarlamalar turmısımızda ayrıqsha orın iyelep atırǵanlıǵın atap ótti. Aytıp ótiw orınlı Berdaq atındaǵı Qaraqalpaq mámleketlik akademiyalıq muzıkalı teatrı janındaǵı maydan búgin hár qashanǵıdan da ózgeshe túske engen. Baqsı-jırawlar, sázendeler hám kórkem óner sheberleri ózleriniń ónerleri menen xalqımızǵa bayram keypiyatın inám etse, milliy kiyim kiyip alǵan analar, shekesine gúlli taqıya qondırǵan qızlar, bir-birinen ǵoshshaq jigitler bayramǵa ózgeshe sán beredi. 
Bayram tamashaları paytaxtımızdaǵı "Doslıq" kanalınıń eki boyında da dawam etip atırǵan bolıp, joqarı dárejede shólkemleskenlik penen ótkerilmekte. Bul orınlarda da kórkem óner sheberleri, mádeniyat tarawı wákilleri, xalıq súygen atkarıwshılar bayramǵa ózgeshe kórk berip, jıynalǵanlarǵa Nawrızǵa tán kóterińki ruwx baǵıshlamaqta. Tuwısqan xalıqlardıń milliy úrp-ádet hám dástúrlerin ózinde jámlegen túrde sahnalastırılǵan kórinisler, milliy ayaq oyın hám qosıqlar atqarılıwı, xalqımızdıń milliy oyınları, baqsı hám jırawlardıń ájayıp shıǵıwları hámmege birdey unadı. Qolı gúl ustalar, sheber tiginshiler tárepinen tayarlanǵan kórgizbeler, on barmaǵınan pal tamǵan aspazlar tayarlaǵan milliy taǵamlar bayramǵa elede joqarı keypiyat inám etti. Jasarıw hám jańalanıw áyyyamı-Nawrız bayramına baǵıshlanǵan seyiller respublikamızdıń barlıq orınlarında dawam etpekte. 
Bayram keshesine Qaraqalpaqstan Respublikası Joqarǵı Keńesiniń Baslıǵı Amanbay Orınbaev, húkimet aǵzaları, keń jámiyetshilik wakilleri qatnastı. Onda Joqarǵı Keńes Baslıǵı shıǵıp sóylep, gúllán xalqımızdı jańarıw hám jasarıw ayyyamı – Nawrız bayramı múnásibeti menen qutlıqladı. Joqarǵı Keńes Baslıǵı óz sózinde húrmetli Prezidentimiz jaratıp bergen imkaniyatlar nátiyjesinde márt hám azamat xalqımız qala hám awıllarımızda, barlıq tarawlarda joqarı sheklerge erisiw ushın pidayı miynet etip atırǵanlıǵı, bunda álbette, húrmetli Prezidentimiz tárepinen Qaraqalpaqstandı sociallıq-ekonomikalıq jaqtan rawajlandırıw, xalqımızdıń jasaw sharayatların jaqsılaw menen baylanıslı qabıl etilip atırǵan Párman hám Qararlar, Mámleketlik Baǵdarlamalar turmısımızda ayrıqsha orın iyelep atırǵanlıǵın atap ótti. Aytıp ótiw orınlı Berdaq atındaǵı Qaraqalpaq mámleketlik akademiyalıq muzıkalı teatrı janındaǵı maydan búgin hár qashanǵıdan da ózgeshe túske engen. Baqsı-jırawlar, sázendeler hám kórkem óner sheberleri ózleriniń ónerleri menen xalqımızǵa bayram keypiyatın inám etse, milliy kiyim kiyip alǵan analar, shekesine gúlli taqıya qondırǵan qızlar, bir-birinen ǵoshshaq jigitler bayramǵa ózgeshe sán beredi. Bayram tamashaları paytaxtımızdaǵı "Doslıq" kanalınıń eki boyında da dawam etip atırǵan bolıp, joqarı dárejede shólkemleskenlik penen ótkerilmekte. Bul orınlarda da kórkem óner sheberleri, mádeniyat tarawı wákilleri, xalıq súygen atkarıwshılar bayramǵa ózgeshe kórk berip, jıynalǵanlarǵa Nawrızǵa tán kóterińki ruwx baǵıshlamaqta. Tuwısqan xalıqlardıń milliy úrp-ádet hám dástúrlerin ózinde jámlegen túrde sahnalastırılǵan kórinisler, milliy ayaq oyın hám qosıqlar atqarılıwı, xalqımızdıń milliy oyınları, baqsı hám jırawlardıń ájayıp shıǵıwları hámmege birdey unadı. Qolı gúl ustalar, sheber tiginshiler tárepinen tayarlanǵan kórgizbeler, on barmaǵınan pal tamǵan aspazlar tayarlaǵan milliy taǵamlar bayramǵa elede joqarı keypiyat inám etti. Jasarıw hám jańalanıw áyyyamı-Nawrız bayramına baǵıshlanǵan seyiller respublikamızdıń barlıq orınlarında dawam etpekte.