Parlamentleraralıq awqam Assambleyasında Ózbekstan Senatınıń baslıǵı áhmiyetli usınıs hám baslamalardı alǵa qoydı
1866
Shveycariyanıń Jeneva qalasında Parlamentleraralıq awqam (PA)nıń 148-Assambleyası bolıp ótpekte. Bir jılda eki ret ótkeriletuǵın Assambleyada dúnyanıń túrli mámleketlerinen júzlegen parlament aǵzaları, sonıń ishinde, Ózbekstan delegaciyası qatnaspaqta. PA – milliy parlamentlerdiń globallıq shólkemi esaplanadı. 130 jıl aldın shólkemlestirilgen bul struktura barlıq mámleketler arasında birge islesiw hám sóylesiwdi xoshametleytuǵın dúnyadaǵı birinshi kóp tárepleme siyasiy shólkemler bolıp esaplanadı. Búgingi kúnde PAǵa 180 milliy parlament hám 15 regionallıq parlament aǵza. Struktura demokratiyanı úgit-násiyatlaydı hám parlamentlerdi kúshlirek, jaqsıraq, «jasılıraq», gender jaqtan tensalmaqlı hám innovaciyalıq institutlarǵa aylandırıwǵa járdem beredi. Bul retki Assambleya «Parlament diplomatiyası: tınıshlıq hám óz-ara awızbirshilik ushın kóbirek jaratıw» atamasına baǵıshlandı. Tiykarǵı itibar ulıwma temada delegatlarǵa dodalaw ushın platforma jaratıw hám parlament jumısın kúsheytiw boyınsha pikir alısıwǵa qaratıldı. 
Assambleyada Oliy Majlis Senatınıń baslıǵı Tanzila Norboeva shıǵıp sóylep, áhmiyetli usınıs hám baslamalardı alǵa qoydı. Sonıń ishinde, tez ózgerip atırǵan hám aldınnan aytıw qıyın bolǵan xalıqaralıq jaǵday hám mámleketleraralıq qatnasıqlarda bir-birin túsiniw barǵan sayın tómenlep atırǵan bir dáwirde parlamentlerdiń roli hár qashanǵıdan da ayrıqsha áhmiyetke iye bolıp atırǵanı atap ótildi. PAnıń parlament diplomatiyasın bekkemlewge qaratılǵan konceptuallıq principlerin tolıq qollap-quwatlanǵan halda ayrıqsha itibar qaratıw kerek bolǵan tiykarǵı baǵdarlarǵa toqtaldı. Atap aytqanda, parlament diplomatiyası mámleketler arasında isenimdi bekkemlewdiń tiykarǵı mexanizmi sıpatında kelispewshiliklerdiń aldın alıwda áhmiyetli orın iyelewi, parlamentler xalıqtıń sociallıq qorǵawǵa mútáj qatlamlarınıń huqıqların belsene qorǵaw kerek ekeni ayrıqsha atap ótildi. Qatnasıwshılardıń itibarı parlament aǵzaları arasında isenimli qatnasıqlardı ornatıwǵa, ulıwma mashqala hám wazıypalardı sheshiwge járdemlesetuǵın regionallıq birge islesiw áhmiyetli ekenine qaratıldı. Assambleyada avtonomiyalıq qural strukturaları hám jasalma intellekttiń sociallıq hám gumanitarlıq tásirin saplastırıw hám klimattıń ózgeriwine qarsı gúresiw boyınsha birge islesiw: arzan jasıl energiyadan paydalanıwdı xoshametlew hám innovaciyalar, juwapkershilik hám ádillikti támiyinlew boyınsha rezolyuciyalar qabıl etiliwi kútilmekte. Ulıwma tema boyınsha juwmaqlawshı hújjet qabıl etiliwi de názerde tutılǵan.
Assambleyada Oliy Majlis Senatınıń baslıǵı Tanzila Norboeva shıǵıp sóylep, áhmiyetli usınıs hám baslamalardı alǵa qoydı. Sonıń ishinde, tez ózgerip atırǵan hám aldınnan aytıw qıyın bolǵan xalıqaralıq jaǵday hám mámleketleraralıq qatnasıqlarda bir-birin túsiniw barǵan sayın tómenlep atırǵan bir dáwirde parlamentlerdiń roli hár qashanǵıdan da ayrıqsha áhmiyetke iye bolıp atırǵanı atap ótildi. PAnıń parlament diplomatiyasın bekkemlewge qaratılǵan konceptuallıq principlerin tolıq qollap-quwatlanǵan halda ayrıqsha itibar qaratıw kerek bolǵan tiykarǵı baǵdarlarǵa toqtaldı. Atap aytqanda, parlament diplomatiyası mámleketler arasında isenimdi bekkemlewdiń tiykarǵı mexanizmi sıpatında kelispewshiliklerdiń aldın alıwda áhmiyetli orın iyelewi, parlamentler xalıqtıń sociallıq qorǵawǵa mútáj qatlamlarınıń huqıqların belsene qorǵaw kerek ekeni ayrıqsha atap ótildi. Qatnasıwshılardıń itibarı parlament aǵzaları arasında isenimli qatnasıqlardı ornatıwǵa, ulıwma mashqala hám wazıypalardı sheshiwge járdemlesetuǵın regionallıq birge islesiw áhmiyetli ekenine qaratıldı. Assambleyada avtonomiyalıq qural strukturaları hám jasalma intellekttiń sociallıq hám gumanitarlıq tásirin saplastırıw hám klimattıń ózgeriwine qarsı gúresiw boyınsha birge islesiw: arzan jasıl energiyadan paydalanıwdı xoshametlew hám innovaciyalar, juwapkershilik hám ádillikti támiyinlew boyınsha rezolyuciyalar qabıl etiliwi kútilmekte. Ulıwma tema boyınsha juwmaqlawshı hújjet qabıl etiliwi de názerde tutılǵan.