Beruniy rayonında shigit egisi boyınsha seminar bolıp ótti
2652
Búgin Beruniy rayonındaǵı «Reimbay Yuldashev» fermer xojalıǵında bıyılǵı jıldıń zúrááti ushın shigit egisi mapazına baylanıslı kórgizbeli seminar bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, sońǵı jılları húrmetli Prezidentimiz tárepinen tarawǵa ayrıqsha itibar qaratılıp atırǵanlıǵın atap ótti hám shigit egisiniń sapalı usılları, diyqan fermerler itibar qaratıwı lazım bolǵan áhmiyetli wazıypalarǵa toqtalıp, olardıń aldaǵı islerine tabıslar tiledi. Kórgizbeli seminarda Ministrler Keńesiniń Baslıǵı F.Ermanov qatnastı. Onda sonday-aq, respublikamızdıń qubla rayonları hákimleri, tarawǵa juwapker shólkemler, paxta klasterleri kárxanalarınıń basshıları, tiyisli wákiller qatnastı. 
Atap ótiw orınlı, Prezidentimizdiń ayrıqsha itibarı menen tek ǵana Qaraqalpaqstan ushın bir qatar qarar hám pármanlar qabıl etilip atırǵan bolıp, atap aytqanda, bıyılǵı jıldıń 9-fevral kúni Qaraqalpaqstandı hár tárepleme rawajlandırıw boyınsha ayrıqsha qarar qabıl etildi. Bul qarar menen burın bolmaǵan jańa imkániyatlar hám jeńillikler jaratıp berildi. Usınday jaratılıp berilip atırǵan imkaniyatlar nátiyjesinde bıyılǵı jıldıń ózinde respublikamızǵa qısqa waqıt ishinde awıl xojalıǵı ushın oǵada áhmiyetli esaplanǵan texnikalar hám agregatlar alıp kelinbekte. Búgingi ótkerilgen áhmiyetli ilajda usınday imkaniyatlar atap ótilip, shıǵıp sóylewshiler egis mapazın qısqa múddette sapalı ótkeriw boyınsha pikir-usınısların bildirdi. Nuraniy atalardıń duwası menen usı kúni dáslepki maydanlarǵa shigit sebildi. Bunnan soń jaqsı niyetler menen jańadan shólkemlestirilgen baǵqa miyweli terek nálleri otırǵızıldı.
Atap ótiw orınlı, Prezidentimizdiń ayrıqsha itibarı menen tek ǵana Qaraqalpaqstan ushın bir qatar qarar hám pármanlar qabıl etilip atırǵan bolıp, atap aytqanda, bıyılǵı jıldıń 9-fevral kúni Qaraqalpaqstandı hár tárepleme rawajlandırıw boyınsha ayrıqsha qarar qabıl etildi. Bul qarar menen burın bolmaǵan jańa imkániyatlar hám jeńillikler jaratıp berildi. Usınday jaratılıp berilip atırǵan imkaniyatlar nátiyjesinde bıyılǵı jıldıń ózinde respublikamızǵa qısqa waqıt ishinde awıl xojalıǵı ushın oǵada áhmiyetli esaplanǵan texnikalar hám agregatlar alıp kelinbekte. Búgingi ótkerilgen áhmiyetli ilajda usınday imkaniyatlar atap ótilip, shıǵıp sóylewshiler egis mapazın qısqa múddette sapalı ótkeriw boyınsha pikir-usınısların bildirdi. Nuraniy atalardıń duwası menen usı kúni dáslepki maydanlarǵa shigit sebildi. Bunnan soń jaqsı niyetler menen jańadan shólkemlestirilgen baǵqa miyweli terek nálleri otırǵızıldı.
Qaraqalpaqstan Respublikası Joqarǵı Keńesiniń Málimleme xızmeti