Joqarǵı Keńes Baslıǵı Taqıyatas, Xojeli, Ámiwdárya hám Nókis rayonlarındaǵı isbilermenler menen ushırastı
1296
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında Sawda-sanaat palatasınıń Qaraqalpaqstan Respublikası basqarmasında isbilermenlik joybarların qollap-quwatlaw hám jańa joybarlardı iske túsiriwde ushırasıp atırǵan mashqalalardı anıqlaw hám olardı saplastırıw boyınsha isbilermenler menen ushırasıw bolıp ótti. Onda investiciyalıq joybarlardı iske túsiriw, lokalizaciyalastırıw baǵdarlamasına kirgizilgen hám eksportyor kárxanalarǵa ámeliy járdemler kórsetiw, sanaat ónimlerin islep shıǵarıwshı kárxanalardıń tolıq quwatlılıqta islewin támiyinlew máseleleri talqılandı. 
Atap ótiw orınlı, húrmetli Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında keń kólemli reformalar ámelge asırılmaqta. Tek ǵana Qaraqalpaqstan ushın qabıl etilgen tariyxıy párman hám qararlar bul baǵdardaǵı ilájlar kólemin jańa basqıshqa kótermekte. Búgingi ótkerilgen ushırasıwda isbilermenlik jumısın alıp barıwda ushırasıp atırǵan mashqalalar boyınsha jaqınnan pikirlesildi. 
Hár qanday investiciyalıq, islep shıǵarıw hám sanaattı rawajlandırıw boyınsha joybarlar Prezidentimiz tárepinen barqulla qollap-quwatlanatuǵınlıǵı Joqarǵı Keńes Baslıǵı tárepinen ayrıqsha tilge alındı. Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi. Waqıt talap etiletuǵın múrájatlar qadaǵalawǵa alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Atap ótiw orınlı, húrmetli Prezidentimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında keń kólemli reformalar ámelge asırılmaqta. Tek ǵana Qaraqalpaqstan ushın qabıl etilgen tariyxıy párman hám qararlar bul baǵdardaǵı ilájlar kólemin jańa basqıshqa kótermekte. Búgingi ótkerilgen ushırasıwda isbilermenlik jumısın alıp barıwda ushırasıp atırǵan mashqalalar boyınsha jaqınnan pikirlesildi. Hár qanday investiciyalıq, islep shıǵarıw hám sanaattı rawajlandırıw boyınsha joybarlar Prezidentimiz tárepinen barqulla qollap-quwatlanatuǵınlıǵı Joqarǵı Keńes Baslıǵı tárepinen ayrıqsha tilge alındı. Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi. Waqıt talap etiletuǵın múrájatlar qadaǵalawǵa alınıp, tez pursatta unamlı sheshiw boyınsha tiyisli taraw basshılarına tapsırmalar berildi.