Joqarǵı Keńes Baslıǵı sharwashılıq fermer xojalıqları basshıları menen ushırastı
779
Qaraqalpaqstan Respublikası Joqarǵı Keńesiniń Baslıǵı Amanbay Orınbaev sharwashılıq tarawın ele de rawajlandırıw, tarawda óz sheshimin kútip turǵan máseleler boyınsha pikir hám usınıslardı tıńlaw maqsetinde sharwashılıq fermer xojalıqları basshıları menen ushırastı. Atap ótiw kerek, ótken 2022-jılda shet ellerden 1263 bas násilli sharwa malları, 2023-jılı 148 bas, bıyılǵı jılda 309 bas násilli sharwa malları elimizge alıp kelingen. 
Búgingi ótkerilgen ushırasıwda tiykarınan násilli sharwa malların shet ellerden alıp keliwdegi mashqalalar, qaysı mámleketlerden alıp kelingen sharwa malları Qaraqalpaqstan sharayatına maslasa alatuǵını, sharwashılıq hám qusshılıq tarawında qosımsha imkaniyatlardı jaratıp, ele de rawajlandırıw ushın qanday ilajlardı belgilep alıw kerek ekenligi, jaylaw jer maydanları menen sharwa mallarınıń suw menen támiyinleniw dárejesi, sharwa kompleksin qurıwda infrastruktura menen támiyinlew hám jer maydanların ajratıwda júzege kelip atırǵan mashqalalar boyınsha taraw xızmetkerleri menen pikir alısıldı. 
Sonıń menen birge, sharwa kompleksi ushın salıq jeńillikleriniń qaysı túrlerinen jeńilikler beriliwi kerek, sharwashılıq ushın kredit qarjıların ajıratıw hám ot-jem bazasın jaratıw máseleleri hám eń baslısı xalqımızdı arzan sonıń menen birge sapalı gósh hám sút ónimleri menen támiyinlew baǵdarında ámelge asırılıwı tiyis jumıslar jóninde sóylesip alındı. Usı maqsetlerdi ámelge asırıwda rejelestirilip atırǵan strategiya boyınsha sharwa fermer xojalıqları basshıları ózleriniń bir qatar pikir-usınısların bildirdi.
Búgingi ótkerilgen ushırasıwda tiykarınan násilli sharwa malların shet ellerden alıp keliwdegi mashqalalar, qaysı mámleketlerden alıp kelingen sharwa malları Qaraqalpaqstan sharayatına maslasa alatuǵını, sharwashılıq hám qusshılıq tarawında qosımsha imkaniyatlardı jaratıp, ele de rawajlandırıw ushın qanday ilajlardı belgilep alıw kerek ekenligi, jaylaw jer maydanları menen sharwa mallarınıń suw menen támiyinleniw dárejesi, sharwa kompleksin qurıwda infrastruktura menen támiyinlew hám jer maydanların ajratıwda júzege kelip atırǵan mashqalalar boyınsha taraw xızmetkerleri menen pikir alısıldı. Sonıń menen birge, sharwa kompleksi ushın salıq jeńillikleriniń qaysı túrlerinen jeńilikler beriliwi kerek, sharwashılıq ushın kredit qarjıların ajıratıw hám ot-jem bazasın jaratıw máseleleri hám eń baslısı xalqımızdı arzan sonıń menen birge sapalı gósh hám sút ónimleri menen támiyinlew baǵdarında ámelge asırılıwı tiyis jumıslar jóninde sóylesip alındı. Usı maqsetlerdi ámelge asırıwda rejelestirilip atırǵan strategiya boyınsha sharwa fermer xojalıqları basshıları ózleriniń bir qatar pikir-usınısların bildirdi.
Qaraqalpaqstan Respublikası Joqarǵı Keńesiniń Málimleme xızmeti