Joqarǵı Keńes Baslıǵı BMSh Rawajlanıw Baǵdarlaması wákillerin qabılladı
831
Búgin, 29-oktyabr kúni Qaraqalpaqstan Respublikası Joqarǵı Keńesiniń Baslıǵı Amanbay Orınbaev Birlesken Milletler Shólkemi Rawajlanıw Baǵdarlamasınıń Ózbekstandaǵı turaqlı wákili Akiko Fudji xanım hám onıń orınbasarı Anas Fayyad Karman mırzanı qabılladı. Ushırasıwda Joqarǵı Keńes Baslıǵı Amanbay Orınbaev Prezidentimiz tárepinen Qaraqalpaqstandı hár tárepleme rawajlandırıw maqsetinde keń kólemli reformalar ámelge asırılıp atırǵanı, mámleketimiz basshısı Aralboyı regionındaǵı ekologiyalıq mashqalalardı sheshiw ushın BMSh minberindegi hár bir shıǵıp sóylewinde dúnya jámiyetshiliginiń dıqqatın qaratıp atırǵanlıǵın, sonday-aq, Aral teńiziniń qurıǵan ultanında jasıl toǵaylıqlardı payda etiw jumısları haqqında maǵlıwmat berdi. 
Ilajda BMSh Rawajlanıw Baǵdarlaması sheńberinde Qaraqalpaqstan Respublikasında Yaponiya húkimeti tárepinen qarjılandırılǵan ulıwmalıq bahası 2 million AQSh dolları bolǵan «Aralboyı regionında klimatqa shıdamlı awıl xojalıǵı arqalı óz-ózin támiyinlewdi qollap-quwatlaw» qospa joybarınıń nátiyjeleri hám aldaǵı birge islesiw perspektivaları dodalandı. Atap ótiw orınlı, BMShtıń Rawajlanıw Baǵdarlaması tárepinen házirgi waqıtta Qaraqalpaqstanda ulıwmalıq muǵdarı 12 million AQSh dollarınan aslam bolǵan 4 joybar ámelge asırılmaqta. Xalıqaralıq shólkem wákilleriniń elimizge saparı sheńberinde Ekologiya ministrligi janındaǵı Aralboyı xalıqaralıq innovaciyalıq orayında «Smart awıl xojalıǵı» qospa baǵdarlaması jumısları menen tanısıwı, Taqıyatas rayonı turǵınları menen ushırasıwı, Shımbay rayonı «Páshentaw» awıl puqaralar jıyını aymaǵında tazalanǵan ishimlik suwınan paydalanıw, Qaraózek rayonında «Tuqımlıq hám eginlerdi qayta islew» joybarları, Moynaq rayonında «Kásip-ónerge oqıtıw orayı»nıń iske túsiriliwi jáne Nókis qalasında Sanitariyalıq-epidemiologiyalıq tınıshlıq hám jámiyetlik salamatlıq basqarmasına laboratoriyalıq úskenelerdi tapsırıw ilajlarınıń ótkeriliwi jobalastırılǵan.
Ilajda BMSh Rawajlanıw Baǵdarlaması sheńberinde Qaraqalpaqstan Respublikasında Yaponiya húkimeti tárepinen qarjılandırılǵan ulıwmalıq bahası 2 million AQSh dolları bolǵan «Aralboyı regionında klimatqa shıdamlı awıl xojalıǵı arqalı óz-ózin támiyinlewdi qollap-quwatlaw» qospa joybarınıń nátiyjeleri hám aldaǵı birge islesiw perspektivaları dodalandı. Atap ótiw orınlı, BMShtıń Rawajlanıw Baǵdarlaması tárepinen házirgi waqıtta Qaraqalpaqstanda ulıwmalıq muǵdarı 12 million AQSh dollarınan aslam bolǵan 4 joybar ámelge asırılmaqta. Xalıqaralıq shólkem wákilleriniń elimizge saparı sheńberinde Ekologiya ministrligi janındaǵı Aralboyı xalıqaralıq innovaciyalıq orayında «Smart awıl xojalıǵı» qospa baǵdarlaması jumısları menen tanısıwı, Taqıyatas rayonı turǵınları menen ushırasıwı, Shımbay rayonı «Páshentaw» awıl puqaralar jıyını aymaǵında tazalanǵan ishimlik suwınan paydalanıw, Qaraózek rayonında «Tuqımlıq hám eginlerdi qayta islew» joybarları, Moynaq rayonında «Kásip-ónerge oqıtıw orayı»nıń iske túsiriliwi jáne Nókis qalasında Sanitariyalıq-epidemiologiyalıq tınıshlıq hám jámiyetlik salamatlıq basqarmasına laboratoriyalıq úskenelerdi tapsırıw ilajlarınıń ótkeriliwi jobalastırılǵan.