2024-2026-jıllarda Beruniy rayonınıń 80 procent xalqı taza ishimlik suwı menen támiyinlenedi

Prezidentimizdiń PQ-4271-sanlı qararına tiykar Aziya rawajlanıw bankiniń qatnasıwında "Ózbekstannıń batıs bóliminde ishimlik suwı támiynatı sistemaların rawajlandırıw" joybarı ámelge asırılmaqta. Bul jumıslar Beruniy rayonında «MESMER-EAST» Ózbekstan Iran kompaniyası tárepinen ámelge asırılıwı belgilengen. Joybar sheńberinde rayonda jámi 7 obekt bolıp, Beruniy rayonı suw támiynatı kárxanasınıń hákimshilik imaratın rekonstrukciyalaw, 3 suw bólistiriw obekti, suw rezervuarın qurıw hám rekonstrukciyalaw, 1 suw jıynaw obekti, 2 suw xlorlaw obekti, magistral suw tarmaǵın tartıw jumısları názerde tutılǵan. 2024-2026-jıllarǵa mólsherlengen joybar nátiyjesinde Beruniy rayonında 80 procent xalıq taza ishimlik suwı menen támiyinlenedi.