Ájiniyaz Qosıbay ulınıń 200 jıllıǵı múnásibeti menen shólkemlestirilgen xalıqaralıq ilimiy-teoriyalıq konferenciyanıń ashılıw saltanatı ótkerildi
1822
Búgin Nókis qalasındaǵı Aqquw kompleksinde jaylasqan Qara úyde Qaraqalpaq klassik ádebiyatınıń kórnekli wákili Ájiniyaz Qosıbay ulınıń 200 jıllıǵı múnásibeti menen shólkemlestirilgen xalıqaralıq ilimiy-teoriyalıq konferenciya hám kórkem-ádebiy kesheniń ashılıw máresimi bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimizdiń baslaması menen ullı oyshıl babamızdıń 200 jıllıǵı YuNESKO sheńberinde belgilenetuǵın xalıqaralıq yubileyler qatarına kirgizilgeni, Ájiniyaz Qosıbay ulınıń atın mángilestiriw boyınsha bir qatar jumıslar ámelge asırılıp atırǵanlıǵın atap ótti. Haqıyqatında da, xalqımız tariyxında hám ádebiyatında óshpes iz qaldırǵan Ájiniyaz Qosıbay ulı keleshek áwladlar, ádebiyat ıqlasbentleri ushın biybaha miyras qaldırıp ketken, xalqımızdıń ruwxıy dúnyasın bayıtıwǵa úles qosqan ullı sóz zergeri, danıshpan shayırlarımızdan sanaladı. 
Húrmetli Prezidentimizdiń arnawlı qararı tiykarında ullı oyshıl babamızdıń yubileyi elimizde hám xalıqaralıq kólemde belgilenip, bir qatar iygilikli jumıslar ámelge asırılıp atır. Ótkerilgen ashılıw saltanatında sózge shıqqan ilimpazlar Ájiniyaz Qosıbay ulınıń hár qanday dáwirde de óz qunın joytpaytuǵın biybaha dóretpeleriniń qádiri jıllar ótken sayın artıp baratuǵını, onıń qaldırǵan miyrası elede xalqımızdıń ruwxıy dúnyasın bayıtıwda xızmet etetuǵınlıǵın atap ótti. Ashılıw saltanatı dawamında bir qatar ilimpazlarǵa hám jámiyetlik ǵayratkerlerge Qaraqalpaqstan Respublikası Joqarǵı Keńesiniń «Húrmet jarlıǵı» tapsırıldı. Bunnan soń kórkem óner hám mádeniyat xızmetkerleri atqarıwındaǵı koncert baǵdarlaması jıynalǵanlar názerine usınıldı.
Húrmetli Prezidentimizdiń arnawlı qararı tiykarında ullı oyshıl babamızdıń yubileyi elimizde hám xalıqaralıq kólemde belgilenip, bir qatar iygilikli jumıslar ámelge asırılıp atır. Ótkerilgen ashılıw saltanatında sózge shıqqan ilimpazlar Ájiniyaz Qosıbay ulınıń hár qanday dáwirde de óz qunın joytpaytuǵın biybaha dóretpeleriniń qádiri jıllar ótken sayın artıp baratuǵını, onıń qaldırǵan miyrası elede xalqımızdıń ruwxıy dúnyasın bayıtıwda xızmet etetuǵınlıǵın atap ótti. Ashılıw saltanatı dawamında bir qatar ilimpazlarǵa hám jámiyetlik ǵayratkerlerge Qaraqalpaqstan Respublikası Joqarǵı Keńesiniń «Húrmet jarlıǵı» tapsırıldı. Bunnan soń kórkem óner hám mádeniyat xızmetkerleri atqarıwındaǵı koncert baǵdarlaması jıynalǵanlar názerine usınıldı.