«Ózbekstan Respublikasınıń mámleketlik bayraǵı haqqında»ǵı Nızamı qabıl etilgen kún múnásibeti menen bayram ilajı ótkerildi
1834
Búgin Nókis qalasınıń orayında ornatılǵan Ózbekstan hám Qaraqalpaqstan Respublikalarınıń mámleketlik bayraqları janında «Ózbekstan Respublikasınıń mámleketlik bayraǵı haqqında»ǵı Nızamı qabıl etilgen kún múnásibeti menen bayram ilaji bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, xalqımızdı bayram múnásibeti menen Qaraqalpaqstan Respublikası Joqarǵı Keńesi hám Ministrler Keńesi atınan qutlıqladı.
Atap ótilgenindey, elimiz bayraǵı jaqsılıq, danıshpanlıq, páklik, sadıqlıq, gózzallıq, tınıshlıq, jańalanıw sıyaqlı sezimlerdi ózinde jámlegeni menen áhmiyetli sanaladı. Solay eken, elimiz bayraǵın kóz qarashıǵınday qásterlep-saqlaw, onı ulıǵlaw hám bálentlerge kóteriw – hár birimiz ushın ana Watan aldındaǵı perzentlik parızımız bolıp esaplanadı. 
Sońǵı jılları elimiz bayraǵı astında xalqımız turmısında, insanlardıń ruwxıy dúnyasında úlken ózgerisler menen jańalanıwlar júz bermekte. Bunda, húrmetli Prezidentimizdiń ideyaları, baslap bergen iygilikli isleri, belgilep bergen áhmiyetli wazıypaları turmısımızda ayrıqsha orın iyeleydi. Búgingi kúnde abadan turmısımızdı támiyinlew jolında elimizdiń barlıq aymaqları qatarında Qaraqalpaqstan ushın da shın mánisinde rawajlanıwlar, jańalanıwlar dáwiri sıpatında úlken itibar qaratılıp atırǵanlıǵı bunıń ayqın mısalı bola aladı. Saltanatlı ilajda mine usı iygilikli isler ayrıqsha atap ótildi. Joqarı dárejede shólkemleskenlik penen ótkerilgen ilaj kórkem-óner tarawı wákilleriniń koncert baǵdarlaması menen dawam etti.
Atap ótilgenindey, elimiz bayraǵı jaqsılıq, danıshpanlıq, páklik, sadıqlıq, gózzallıq, tınıshlıq, jańalanıw sıyaqlı sezimlerdi ózinde jámlegeni menen áhmiyetli sanaladı. Solay eken, elimiz bayraǵın kóz qarashıǵınday qásterlep-saqlaw, onı ulıǵlaw hám bálentlerge kóteriw – hár birimiz ushın ana Watan aldındaǵı perzentlik parızımız bolıp esaplanadı. Sońǵı jılları elimiz bayraǵı astında xalqımız turmısında, insanlardıń ruwxıy dúnyasında úlken ózgerisler menen jańalanıwlar júz bermekte. Bunda, húrmetli Prezidentimizdiń ideyaları, baslap bergen iygilikli isleri, belgilep bergen áhmiyetli wazıypaları turmısımızda ayrıqsha orın iyeleydi. Búgingi kúnde abadan turmısımızdı támiyinlew jolında elimizdiń barlıq aymaqları qatarında Qaraqalpaqstan ushın da shın mánisinde rawajlanıwlar, jańalanıwlar dáwiri sıpatında úlken itibar qaratılıp atırǵanlıǵı bunıń ayqın mısalı bola aladı. Saltanatlı ilajda mine usı iygilikli isler ayrıqsha atap ótildi. Joqarı dárejede shólkemleskenlik penen ótkerilgen ilaj kórkem-óner tarawı wákilleriniń koncert baǵdarlaması menen dawam etti.
Qaraqalpaqstan Respublikası Joqarǵı Keńesiniń Málimleme xızmeti