Búgin Ózbekstan Respublikası Prezidenti Shavkat Mirziyoev tárepinen Respublika kóleminde "Jasıl mákan" ulıwmamilliy joybarına start berildi
1149
Onda Qaraqalpaqstan Respublikası hám wálayatlardan videobaylanıs arqalı elimiz abadanlıǵına, jasıl belbewlerdi payda etiwge úles qosıwdı niyet etken respublika belsendileri, jaslar, nuranıylar hám hayal-qızlar, mákeme, shólkemler xızmetkerleri hám keń jámiyetshilik wákilleri qatnastı. Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında Nókis qalası átirapında terek nállerin otırǵızıw jumısları baslap jiberildi. 
Aytıp ótiw orınlı, bıyılǵı jılı gúz máwsiminde “Jasıl mákan” joybarı sheńberinde jámi 5 mln. 600 mıń dana dekorativ hám miyweli terek náller egiliwi názerde tutılǵan bolıp, reje artıǵı menen orınlanıwı belgilengen. Bul ilajlardı joqarı dárejede shólkemlestiriw maqsetinde pitomniklerimizde terek nálleriniń rezervi jaratılıp, 6 mln. 764 mıń dana dekorativ hám miyweli terek nállerin satıp alıw ushın shártnamalar dúzilgen. Búgingi kúnde qala hám rayonlarımızda 2 mln 812 mıńnan aslam terek nálleri egilip, bul jumıslar shólkemleskenlik penen alıp barılmaqta.
Aytıp ótiw orınlı, bıyılǵı jılı gúz máwsiminde “Jasıl mákan” joybarı sheńberinde jámi 5 mln. 600 mıń dana dekorativ hám miyweli terek náller egiliwi názerde tutılǵan bolıp, reje artıǵı menen orınlanıwı belgilengen. Bul ilajlardı joqarı dárejede shólkemlestiriw maqsetinde pitomniklerimizde terek nálleriniń rezervi jaratılıp, 6 mln. 764 mıń dana dekorativ hám miyweli terek nállerin satıp alıw ushın shártnamalar dúzilgen. Búgingi kúnde qala hám rayonlarımızda 2 mln 812 mıńnan aslam terek nálleri egilip, bul jumıslar shólkemleskenlik penen alıp barılmaqta.