Qaraqalpaqstan delegaciyası ámeliy sapar menen Koreya Respublikasına bardı
742
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵındaǵı Qaraqalpaqstan delegaciyası Prezidentimiz tapsırması menen birinshi «Koreya Respublikası hám Oraylıq Aziya aymaqlararalıq birge islesiw forumı» sheńberinde ámeliy sapar menen usı mámleketke bardı. Sapar sheńberinde dáslep IT tarawında jumıs alıp barıp atırǵan "Acryl" kompaniyası menen ushırasıw bolıp ótti. Ushırasıw dawamında málimleme texnologiyaları tarawında maman qánigelerdi tayarlawdı támiyinleytuǵın IT-oraylardı qurıw hám málimleme texnologiyaları tarawında birge islesiwdi keńeytiw máseleleri talqılandı. 
Bunnan soń, "People & Dream Co., Ltd.” kompaniyası menen ushırasıw ótkerilip, sóylesiwler dauamında Qaraqalpaqstan Respublikası hám Koreya Respublikası arasında miynet migraciyası tarawında birge islesiw boyınsha jaqın múnásibetlerdi ornatıw hám respublikamız aymaǵında monooraylar shólkemlestiriw, sonıń ishinde, sırt elge jumıs islew ushın ketip atırǵan puqaralardı kásipke baǵdarlaw hám shet tillerine oqıtıw boyınsha pikirlesildi. Sonday-aq, ushırasıwlar dawamında Koreya xalıqaralıq birge islesiw agentligi (KOICA) menen de sóylesiwler alıp barıldı. Onda "Aral teńizi apatshılıǵı aqıbetlerin jumsartıw Aralboyı regionı ushın jasıl tikleniw" joybarın ámelge asırıw hám bul tarawda birge islesiw, tábiyǵıy apatshılıqqa shıdamlı qurallar menen támiyinlew, sonıń ishinde, suwdı únemleytuǵın zamanagóy texnologiyalardı keńnen engiziw máseleleri dodalandı. Kún dawamında Koreya Respublikasınıń bir qatar shólkemleri menen áhmiyetli máseleler qarap shıǵıldı. 
Sonnan, Koreya málimleme texnologiyaları abadanlıǵın arttırıw agentligi wákilleri menen ushırasıw dawamında da IT tarawın rawajlandırıw boyınsha pikirlesildi hám agentlik tárepinen Qaraqalpaqstannıń orta mekteplerine zamanagóy kompyuterler berildi. “KIDL Co., LTD” kompaniyası menen ótkerilgen ushırasıwda awıl xojalıǵı tarawında birge islesiw máseleleri talqılandı. Sonnan, Qaraqalpaqstan Respublikasınıń rayonlarında kompaniya texnologiyaları tiykarında zamanagóy ıssıxanalardı shólkemlestiriw joybarların ámelge asırıw boyınsha kelisip alındı. Ótkerilgen ushırasıwlarda bir qatar paydalı kelisimlerge erisildi, áhmiyetli shártnamalarǵa qol qoyıldı. Birge islesiw boyınsha perspektivalı joybarlar keń túrde dodalandı. 
Bunnan soń, "People & Dream Co., Ltd.” kompaniyası menen ushırasıw ótkerilip, sóylesiwler dauamında Qaraqalpaqstan Respublikası hám Koreya Respublikası arasında miynet migraciyası tarawında birge islesiw boyınsha jaqın múnásibetlerdi ornatıw hám respublikamız aymaǵında monooraylar shólkemlestiriw, sonıń ishinde, sırt elge jumıs islew ushın ketip atırǵan puqaralardı kásipke baǵdarlaw hám shet tillerine oqıtıw boyınsha pikirlesildi. Sonday-aq, ushırasıwlar dawamında Koreya xalıqaralıq birge islesiw agentligi (KOICA) menen de sóylesiwler alıp barıldı. Onda "Aral teńizi apatshılıǵı aqıbetlerin jumsartıw Aralboyı regionı ushın jasıl tikleniw" joybarın ámelge asırıw hám bul tarawda birge islesiw, tábiyǵıy apatshılıqqa shıdamlı qurallar menen támiyinlew, sonıń ishinde, suwdı únemleytuǵın zamanagóy texnologiyalardı keńnen engiziw máseleleri dodalandı. Kún dawamında Koreya Respublikasınıń bir qatar shólkemleri menen áhmiyetli máseleler qarap shıǵıldı. Sonnan, Koreya málimleme texnologiyaları abadanlıǵın arttırıw agentligi wákilleri menen ushırasıw dawamında da IT tarawın rawajlandırıw boyınsha pikirlesildi hám agentlik tárepinen Qaraqalpaqstannıń orta mekteplerine zamanagóy kompyuterler berildi. “KIDL Co., LTD” kompaniyası menen ótkerilgen ushırasıwda awıl xojalıǵı tarawında birge islesiw máseleleri talqılandı. Sonnan, Qaraqalpaqstan Respublikasınıń rayonlarında kompaniya texnologiyaları tiykarında zamanagóy ıssıxanalardı shólkemlestiriw joybarların ámelge asırıw boyınsha kelisip alındı. Ótkerilgen ushırasıwlarda bir qatar paydalı kelisimlerge erisildi, áhmiyetli shártnamalarǵa qol qoyıldı. Birge islesiw boyınsha perspektivalı joybarlar keń túrde dodalandı.
Qaraqalpaqstan Respublikası Joqarǵı Keńesiniń Málimleme xızmeti