Nókis qalasında «Hayal-qızlar oqıw orayın shólkemlestiriw» joybarı ámelge asırıladı
1212
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Koreya Eksim bankiniń EDCF fondı, Sukmyung hayallar universiteti, Hyundai izertlew institutı wákilleri menen ushırastı. Onda Qaraqalpaqstan Respublikasında hayal-qızlardı isbilermenlikke oqıtıw hám kásipke baǵdarlaw boyınsha «Hayal-qızlar oqıw orayın shólkemlestiriw» joybarın ámelge asırıw máseleleri talqılandı. 
Ushırasıwda belgilengen rejeler tiykarında joybar qurılıs jumısların tez arada baslaw boyınsha kelisip alındı. Aytıp ótiw orınlı, Koreya Respublikasınıń Eksim banki EDCF tárepinen qarjılandırılıwı belgilengen joybardıń ulıwma bahası 38 mln. dollar bolıp, hayal-qızlardı kásipke oqıtıw, real isbilermenlikke baǵdarlaw, hayal-qızlar isbilermenligin keń jámiyetshilikke en jaydırıw, bántligin támiyinlewge qaratılǵan. Joybar qurılısı ushın Nókis qalası aymaǵınan jer maydanı ajıratılıwı belgilengen hám iske túsiriliwi menen hayal-qızlardı oqıtıw hám bir qatar xızmet kórsetiw tarawları boyınsha arnawlı kurslardı shólkemlestiriw rejelestirilgen. Ótkerilgen ushırasıwda usı belgilengen ilajlar sheńberinde jumıslardı jedellestiriw boyınsha rejeler belgilep alındı. 
Ushırasıwda belgilengen rejeler tiykarında joybar qurılıs jumısların tez arada baslaw boyınsha kelisip alındı. Aytıp ótiw orınlı, Koreya Respublikasınıń Eksim banki EDCF tárepinen qarjılandırılıwı belgilengen joybardıń ulıwma bahası 38 mln. dollar bolıp, hayal-qızlardı kásipke oqıtıw, real isbilermenlikke baǵdarlaw, hayal-qızlar isbilermenligin keń jámiyetshilikke en jaydırıw, bántligin támiyinlewge qaratılǵan. Joybar qurılısı ushın Nókis qalası aymaǵınan jer maydanı ajıratılıwı belgilengen hám iske túsiriliwi menen hayal-qızlardı oqıtıw hám bir qatar xızmet kórsetiw tarawları boyınsha arnawlı kurslardı shólkemlestiriw rejelestirilgen. Ótkerilgen ushırasıwda usı belgilengen ilajlar sheńberinde jumıslardı jedellestiriw boyınsha rejeler belgilep alındı.
Qaraqalpaqstan Respublikası Joqarǵı Keńesiniń Málimleme xızmeti