Joqarǵı Keńestiń Byudjet, ekonomikalıq reformalar, investiciyalar hám innovaciya máseleleri komitetiniń májilisi ótkerildi
1147
Májilisti komitet baslıǵı B.Seytnazarov ashtı hám alıp bardı. Kún tártibindegi dáslepki másele boyınsha komitet baslıǵınıń orınbasarı sıpatında 55-«Xalqabad» saylaw okruginen deputat Xabibullaev Baxıtjan Sagidullaevich hám komitet xatkeri sıpatında 42-sanlı «Taqıyatas» saylaw okruginen deputat Djumamuratova Mukarama Salievnanıń kandidaturaları usınıldı hám talabanlar maqullanıp, lawazımlarǵa saylandı. Sonday-aq, komitettiń 2025-jıldıń birinshi yarım jıllıǵında ámelge asırılatuǵın is-ilajları rejesin islep shıǵıw boyınsha usınıs bildirilip, deputatlar tárepinen maqullandı. 
Bunnan soń, 2024-jıldıń 9 aylıq juwmaǵı menen jergilikli byudjetke qosımsha dáramatlar dereklerin jaratıw baǵdarında jasırın ekonomika kólemin qısqartıw, jańa salıq obektlerin anıqlaw arqalı byudjetke qosımsha túsimlerdi támiyinlew baǵdarında ámelge asırılǵan jumıslar boyınsha Qaraqalpaqstan Respublikası Salıq basqarması baslıǵınıń esabatın tıńlaw, Qaraqalpaqstan Respublikasın 2024-jılda “Jumıssızlıqtan awlaq aymaq”qa aylandırıw ilajları haqqındaǵı Qaraqalpaqstan Respublikası Kámbaǵallıqtı qısqartıw hám bántlik ministri Q.Azerbaevtıń esabatın tıńlaw haqqındaǵı máseleler qarap shıǵıldı. Deputatlar tárepinen kún tártibindegi máseleler boyınsha usınıslar hám ushırasıp atırǵan mashqalalar kóterilip, sorawlarǵa tiyisli juwaplar alındı. Májilis juwmaǵında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha tiyisli tártipte qararlar qabıl etildi.
Bunnan soń, 2024-jıldıń 9 aylıq juwmaǵı menen jergilikli byudjetke qosımsha dáramatlar dereklerin jaratıw baǵdarında jasırın ekonomika kólemin qısqartıw, jańa salıq obektlerin anıqlaw arqalı byudjetke qosımsha túsimlerdi támiyinlew baǵdarında ámelge asırılǵan jumıslar boyınsha Qaraqalpaqstan Respublikası Salıq basqarması baslıǵınıń esabatın tıńlaw, Qaraqalpaqstan Respublikasın 2024-jılda “Jumıssızlıqtan awlaq aymaq”qa aylandırıw ilajları haqqındaǵı Qaraqalpaqstan Respublikası Kámbaǵallıqtı qısqartıw hám bántlik ministri Q.Azerbaevtıń esabatın tıńlaw haqqındaǵı máseleler qarap shıǵıldı. Deputatlar tárepinen kún tártibindegi máseleler boyınsha usınıslar hám ushırasıp atırǵan mashqalalar kóterilip, sorawlarǵa tiyisli juwaplar alındı. Májilis juwmaǵında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha tiyisli tártipte qararlar qabıl etildi.
Qaraqalpaqstan Respublikası Joqarǵı Keńesiniń Málimleme xızmeti