Agrar kompleksin rawajlandırıw máselelerine arnaldı
1147
Qaraqalpaqstan Respublikası Joqarǵı Keńesiniń Agrar, suw xojalıǵı, tábiyattı qorǵaw hám ekologiya máseleleri komitetiniń májilisi ótkerildi. Májilisti komitet baslıǵı A.Jumanazarov ashıp berdi hám búgingi kúnde elimizdiń ekonomikasın bekkemlew hám rawajlanıwına múnásip úles qosıwda awıl xojalıǵı tarawınıń ornı ayrıqsha ekenligi, sonday-aq, ekologiyamızdı jaqsılaw boyınsha kólemli jumıslar ámelge asırılıp atırǵanı, óz náwbetinde bul jumıslardı ámelge asırıwda komitet aldında bir qatar áhmiyetli máseleler bar ekenligin atap ótti. 
Májilis kún tártibinde komitet baslıǵınıń orınbasarı lawazımına 63-sanlı “Qaraózek” saylaw okruginen deputat Muratbay Abdirovtıń, komitet xatkerligine 53-sanlı «Qırantaw» saylaw okruginen deputat Niyazımbetov Sherzod Kadırberdievichtiń kandidaturası usınıldı hám saylandı. Bunnan soń, komitet tárepinen 2025-jıldıń birinshi yarım jıllıǵında ámelge asırılıwı tiyis is-ilajlar rejesin islep shıǵıw hám bul boyınsha tiyisli usınıslardı beriw máselesi qarap shıǵıldı. Sonday-aq, májiliste agrar kompleksi jumısların jaqsılaw, aldaǵı belgilengen sheklerge erisiw, xalqımızdıń azıq-awqat qáwipsizligin támiyinlew, elimizdegi ekologiyalıq apatshılıq aqıbetlerin jumsartıw boyınsha bir qatar máseleler kóterildi. 
Májilis dawamında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha deputatlar tárepinen tiyisli qararlar qabıl etildi.
Májilis kún tártibinde komitet baslıǵınıń orınbasarı lawazımına 63-sanlı “Qaraózek” saylaw okruginen deputat Muratbay Abdirovtıń, komitet xatkerligine 53-sanlı «Qırantaw» saylaw okruginen deputat Niyazımbetov Sherzod Kadırberdievichtiń kandidaturası usınıldı hám saylandı. Bunnan soń, komitet tárepinen 2025-jıldıń birinshi yarım jıllıǵında ámelge asırılıwı tiyis is-ilajlar rejesin islep shıǵıw hám bul boyınsha tiyisli usınıslardı beriw máselesi qarap shıǵıldı. Sonday-aq, májiliste agrar kompleksi jumısların jaqsılaw, aldaǵı belgilengen sheklerge erisiw, xalqımızdıń azıq-awqat qáwipsizligin támiyinlew, elimizdegi ekologiyalıq apatshılıq aqıbetlerin jumsartıw boyınsha bir qatar máseleler kóterildi. Májilis dawamında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha deputatlar tárepinen tiyisli qararlar qabıl etildi.
Qaraqalpaqstan Respublikası Joqarǵı Keńesiniń Málimleme xızmeti