Koreya mámleketindegi kompaniyalar menen áhmiyetli máseleler dodalandı
1374
Joqarǵı Keńes Baslıǵı Amanbay Orınbaev basshılıǵındaǵı Qaraqalpaqstan delegaciyası Koreya Respublikası hám Oraylıq Aziya aymaqlararalıq birge islesiw forumında qatnasıp atır. Forum sheńberinde delegaciya Koreyanıń awıl xojalıǵı texnikaların islep shıǵarıw boyınsha eń iri «TYM» kompaniyası jumısları menen tanıstı. Onda respublikamız aymaǵında awıl xojalıǵı texnikaların islep shıǵarıw boyınsha birge islesiwdi jolǵa qoyıw, sonday-aq, jergilikli qánigeler hám texnikalıq xızmetkerlerdi tayarlaw boyınsha servis tarmaǵın rawajlandırıw máselelerin dodaladı. Bunnan soń «KIDL Co Ltd.» kompaniyası menen ótkerilgen ushırasıwda kompaniya hám «SHAMCHIROK TORTKOL» JShJ arasında ıssıxana úskenelerin jetkerip beriw boyınsha kelisimge qol qoyıldı. Kelisimge muwapıq, «KIDL Co Ltd.» kompaniyası tárepinen 62 million AQSh dolları muǵdarındaǵı joybar qarjılandırılıwı belgilep alındı. Bunnan soń, Jasıl klimat fondı wákilleri menen ushırasıw bolıp ótti. Ushırasıw sheńberinde qorshaǵan ortalıqtı qorǵaw, tábiyǵıy resurslardı turaqlı basqarıw hám ekologiyalıq taza texnologiyalardı engiziwge grant qarjıların tartıw máseleleri kórip shıǵıldı. 
Ushırasıwlardan keyin delegaciya Koreya - Oraylıq Aziya regionlararalıq birge islesiw boyınsha birinshi forumında qatnastı. Forum baǵdarlamasında sawda-ekonomikalıq hám investiciyalıq birge islesiw, mádeniy hám ilim-pán almasıwları, sonday-aq, ekologiya hám turaqlı rawajlanıw tarawlarındaǵı birgeliktegi baslamalar sıyaqlı jaqın sherikliktiń áhmiyetli baǵdarlarına baǵıshlanǵan tematikalıq sessiyalar ótkerildi. Forum sheńberinde delegaciya GAROK wákilleri menen ushırasıp, soylesiwler barısında aymaqlararalıq baylanıslardı bekkemlew boyınsha anıq ilajlar dodalandı. Eki tárepleme saparlardı shólkemlestiriw, sonday-aq, ekonomika, innovaciyalar, bilimlendiriw hám ekologiya tarawlarında tájiriybe almasıw boyınsha jańa baǵdarlamalardı baslaw máselelerine toqtap ótildi. Forumda aymaqlararalıq sóylesiwdiń áhmiyeti atap ótilip, Koreya hám Qaraqalpaqstan Respublikası arasındaǵı óz-ara paydalı birge islesiwdi bunnan bılay da rawajlandırıw kerekligi kórsetip ótildi. 
Sonday-aq, Qaraqalpaqstan Respublikası Ministrler Keńesi Baslıǵınıń orınbasarı V.Jollibekov forumda qatnasıwshılardı Qaraqalpaqstan Respublikasınıń investiciyalıq potencialı, jaratılǵan jeńillikler hám preferenciyalar menen tanıstırdı. Ushırasıw dawamında Koreya Respublikası isbilermen toparlarınıń wákilleri menen sóylesiwler shólkemlestirildi. Bul ushırasıwlar sheńberinde sanaat, energetika hám agrosanaat kompleksinde birgeliktegi joybarlardı ámelge asırıw perspektivaları, sonday-aq, Qaraqalpaqstan Respublikasında óndiris quwatlılıqların rawajlandırıw ushın qospa kárxanalar shólkemlestiriw hám Koreya texnologiyaların tartıw imkaniyatları dodalandı. Sonıń menen birge, Koryo jeke menshik izertlew universiteti wákilleri menen sóylesiwler ótkerildi. Tárepler Qaraqalpaqstan joqarı oqıw orınları oqıtıwshılarınıń mamanlıǵın arttırıw hám studentlerdi Koryo universitetinde qısqa múddetli oqıtıw imkaniyatların kórip shıqtı. Koreya Respublikasındaǵı forum sheńberinde bir qatar investiciyalıq kelisimlerge qol qoyıldı.
Ushırasıwlardan keyin delegaciya Koreya - Oraylıq Aziya regionlararalıq birge islesiw boyınsha birinshi forumında qatnastı. Forum baǵdarlamasında sawda-ekonomikalıq hám investiciyalıq birge islesiw, mádeniy hám ilim-pán almasıwları, sonday-aq, ekologiya hám turaqlı rawajlanıw tarawlarındaǵı birgeliktegi baslamalar sıyaqlı jaqın sherikliktiń áhmiyetli baǵdarlarına baǵıshlanǵan tematikalıq sessiyalar ótkerildi. Forum sheńberinde delegaciya GAROK wákilleri menen ushırasıp, soylesiwler barısında aymaqlararalıq baylanıslardı bekkemlew boyınsha anıq ilajlar dodalandı. Eki tárepleme saparlardı shólkemlestiriw, sonday-aq, ekonomika, innovaciyalar, bilimlendiriw hám ekologiya tarawlarında tájiriybe almasıw boyınsha jańa baǵdarlamalardı baslaw máselelerine toqtap ótildi. Forumda aymaqlararalıq sóylesiwdiń áhmiyeti atap ótilip, Koreya hám Qaraqalpaqstan Respublikası arasındaǵı óz-ara paydalı birge islesiwdi bunnan bılay da rawajlandırıw kerekligi kórsetip ótildi. Sonday-aq, Qaraqalpaqstan Respublikası Ministrler Keńesi Baslıǵınıń orınbasarı V.Jollibekov forumda qatnasıwshılardı Qaraqalpaqstan Respublikasınıń investiciyalıq potencialı, jaratılǵan jeńillikler hám preferenciyalar menen tanıstırdı. Ushırasıw dawamında Koreya Respublikası isbilermen toparlarınıń wákilleri menen sóylesiwler shólkemlestirildi. Bul ushırasıwlar sheńberinde sanaat, energetika hám agrosanaat kompleksinde birgeliktegi joybarlardı ámelge asırıw perspektivaları, sonday-aq, Qaraqalpaqstan Respublikasında óndiris quwatlılıqların rawajlandırıw ushın qospa kárxanalar shólkemlestiriw hám Koreya texnologiyaların tartıw imkaniyatları dodalandı. Sonıń menen birge, Koryo jeke menshik izertlew universiteti wákilleri menen sóylesiwler ótkerildi. Tárepler Qaraqalpaqstan joqarı oqıw orınları oqıtıwshılarınıń mamanlıǵın arttırıw hám studentlerdi Koryo universitetinde qısqa múddetli oqıtıw imkaniyatların kórip shıqtı. Koreya Respublikasındaǵı forum sheńberinde bir qatar investiciyalıq kelisimlerge qol qoyıldı.
Qaraqalpaqstan Respublikası Joqarǵı Keńesiniń Málimleme xızmeti