Qaraqalpaqstan Respublikası Joqarǵı Keńesiniń Sanaat, qurılıs, transport hám málimleme texnologiyaları máseleleri komitetiniń májilisi ótkerildi
1004
Májilisti komitet baslıǵı I.Sdikov ashıp berdi hám komitet quramındaǵı deputatlardı xalqımız isenim bildirip saylap, deputat degen úlken bir juwapkershilikli statusqa iye bolǵanı menen qutlıqladı. Sonday-aq, búgingi kúnde elimiz abadanlıǵın arttırıw jolında komitet aldında bir qatar juwapkershilikli wazıypalar turǵanlıǵı, bul wazıypalardı orınlawda barlıq basshı hám deputatlardan óz jumısına juwapkershilik penen qarawı kerek ekenligi atap ótildi. Májiliste dáslep, komitet baslıǵınıń orınbasarın hám xatkerin saylaw máselesi qarap shıǵıldı. Deputatlar tárepinen Komitet baslıǵınıń orınbasarı etip 60-sanlı “Tazǵara” saylaw okruginen deputat Berdixanov Jalǵasbay Pirimbetovich, komitet xatkeri sıpatında 23-sanlı “Qırqqız” saylaw okruginen deputat Sultanov Xamid Telmanovichtiń kandidaturası maqullandı. 
Bunnan soń Sanaat, qurılıs, transport hám málimleme texnologiyaları máseleleri komitetiniń 2025-jıldıń birinshi yarım jıllıǵında ámelge asıratuǵın ilajlardıń is rejesin islep shıǵıw haqqındaǵı, sonday-aq, Ózbekstan Respublikası Prezidentiniń 2023-jıl 10-oktyabrdegi «Jol xojalıǵı tarawın jánede jetilistiriw ilajları haqqında»ǵı PQ-330-sanlı qararı talaplarınıń Qaraqalpaqstan Respublikasında orınlanıw barısı boyınsha Qaraqalpaqstan Respublikası Avtomobil jolları bas basqarması baslıǵınıń esabatı haqqındaǵı máseleler qarap shıǵıldı. Májilis dawamında qarap shıǵılǵan máselelerdi Joqarǵı Keńestiń gezektegi sessiyası kún tártibine usınıw boyınsha tiyisli tártipte qararlar qabıl etildi.
Bunnan soń Sanaat, qurılıs, transport hám málimleme texnologiyaları máseleleri komitetiniń 2025-jıldıń birinshi yarım jıllıǵında ámelge asıratuǵın ilajlardıń is rejesin islep shıǵıw haqqındaǵı, sonday-aq, Ózbekstan Respublikası Prezidentiniń 2023-jıl 10-oktyabrdegi «Jol xojalıǵı tarawın jánede jetilistiriw ilajları haqqında»ǵı PQ-330-sanlı qararı talaplarınıń Qaraqalpaqstan Respublikasında orınlanıw barısı boyınsha Qaraqalpaqstan Respublikası Avtomobil jolları bas basqarması baslıǵınıń esabatı haqqındaǵı máseleler qarap shıǵıldı. Májilis dawamında qarap shıǵılǵan máselelerdi Joqarǵı Keńestiń gezektegi sessiyası kún tártibine usınıw boyınsha tiyisli tártipte qararlar qabıl etildi.