“Erkin Qaraqalpaqstan”nıń 100 jıllıǵı keń túrde belgilendi
1888
Búgin Qaraqalpaq mámleketlik Jas tamashagóyler teatrında qaraqalpaq baspasѳziniń kѳsh bası esaplanǵan «Erkin Qaraqalpaqstan» gazetası shѳlkemlestirilgeniniń 100 jıllıǵı múnásibeti menen saltanatlı ilaj ótkerildi. Onda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev shıǵıp sóylep, jıynalǵanlardı keń túrde belgilenip atırǵan yubiley sánesi múnásibeti menen qutlıqladı. 
1924-jıldıń noyabr ayında dáslepki sanı basılıp shıqqan «Erkin Qaraqalpaqstan» gazetası ѳtken dáwir ishinde jámiyetimiz turmısında óziniń ılayıqlı ornına iye boldı. Sonday-aq, bul gazeta insanlardıń málimlemege bolǵan talabın qanaatlandırıw menen birge, bir ásirlik tarıyxı dawamında mámleketlik uyımlar menen xalıqtı baylanıstırıwshı kópir wazıypasın minsiz atqardı hám bul ádiwli wazıypanı elede atqarıp kelmekte. Qaraqalpaq jurnalistikası ushın ѳzine jarasa mektep wazıypasın atqarǵan bul gazeta milliy jurnalistikamızdıń rawajlanıwına salmaqlı úles qosqan talantlı, qálemi ısılǵan jurnalistlerdi tárbiyaladı. Gazetanıń miynet qazanında qaynap, kóplegen siyasiy-jámiyetlik ǵayratkerler jetilisip shıqtı. 
Qasım Áwezov, Seyfulǵábit Májitov, Támender Safiev, Qallibek Begjanov, Tólepbergen Qayıpbergenov, Ibrayım Yusupov, Quyash Yusupov, Sharap Usnatdinov, Elmurat Baynazarov, Keńesbay Karimov, Keńesbay Reymov hám basqa da talapshań bas redaktorlardıń basshılıǵında gazeta xalqımızdıń ruwxıy dúnyasın bayıtıwda salmaqlı úles qosıp keldi. Torqalı toy toylanıp atırǵan búgingi qutlı sánede óz kásibine degen sadıqlıǵı, dóretiwshilik tabısları hám tınımsız izleniwleri menen ajıralıp kiyatırǵan bir qatar taraw pidayıları xoshametlenip, húrmetli ataqlar hám kókirek belgileri menen sıylıqlandı. Ilaj kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.
1924-jıldıń noyabr ayında dáslepki sanı basılıp shıqqan «Erkin Qaraqalpaqstan» gazetası ѳtken dáwir ishinde jámiyetimiz turmısında óziniń ılayıqlı ornına iye boldı. Sonday-aq, bul gazeta insanlardıń málimlemege bolǵan talabın qanaatlandırıw menen birge, bir ásirlik tarıyxı dawamında mámleketlik uyımlar menen xalıqtı baylanıstırıwshı kópir wazıypasın minsiz atqardı hám bul ádiwli wazıypanı elede atqarıp kelmekte. Qaraqalpaq jurnalistikası ushın ѳzine jarasa mektep wazıypasın atqarǵan bul gazeta milliy jurnalistikamızdıń rawajlanıwına salmaqlı úles qosqan talantlı, qálemi ısılǵan jurnalistlerdi tárbiyaladı. Gazetanıń miynet qazanında qaynap, kóplegen siyasiy-jámiyetlik ǵayratkerler jetilisip shıqtı. Qasım Áwezov, Seyfulǵábit Májitov, Támender Safiev, Qallibek Begjanov, Tólepbergen Qayıpbergenov, Ibrayım Yusupov, Quyash Yusupov, Sharap Usnatdinov, Elmurat Baynazarov, Keńesbay Karimov, Keńesbay Reymov hám basqa da talapshań bas redaktorlardıń basshılıǵında gazeta xalqımızdıń ruwxıy dúnyasın bayıtıwda salmaqlı úles qosıp keldi. Torqalı toy toylanıp atırǵan búgingi qutlı sánede óz kásibine degen sadıqlıǵı, dóretiwshilik tabısları hám tınımsız izleniwleri menen ajıralıp kiyatırǵan bir qatar taraw pidayıları xoshametlenip, húrmetli ataqlar hám kókirek belgileri menen sıylıqlandı. Ilaj kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.