Qaraqalpaq tiline mámleketlik til biyligi berilgen kún múnásibeti menen bayram saltanatı bolıp ótti
1940
Búgin Berdaq atındaǵı Qaraqalpaq mámleketlik akademiyalıq muzıkalı teatrında 1-dekabr – Qaraqalpaqstan Respublikasınıń “Mámleketlik til haqqında”ǵı Nızamı qabıl etilgenine 35 jıl tolıwı múnásibeti menen bayram saltanatı ótkerildi. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı bayram menen qutlıqladı. 
Atap ótilgenindey, ana tili – bul qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne bolıp tabıladı. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha sanaladı. Sonlıqtan, hár bir ósip kiyatırǵan áwlad ana tilin qásterlewi, onıń keleshek áwladqa sap halında jetip barıwın támiyinlewi kerek. Sońǵı jılları elimizde ana tilimizdi saqlawǵa, onı jáne de bayıtıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta. Álbette, bulardıń barlıǵı ana tilimizge bolǵan joqarı itibar hám ǵamxorlıqtıń ámeldegi kórinisi bolıp tabıladı. 
Ótkerilgen bayram saltanatında ana tilimize húrmet kórsetiw baǵdarında ámelge asırılıp atırǵan ilajlar keń túrde sóz etildi. Bayram ilajı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.
Atap ótilgenindey, ana tili – bul qarım-qatnas quralı bolıwı menen birge, neshshe ásirler dawamında óziniń qádir-qımbatın joytpay, biz áwladlarǵa shekem jetip kelgen biybaha ǵáziyne bolıp tabıladı. Hár bir xalıqtıń ózine tán ózgesheligin, hár bir eldiń rawajlanıw basqıshların hám keleshegin belgilewde ana tiliniń tutqan ornı ayrıqsha sanaladı. Sonlıqtan, hár bir ósip kiyatırǵan áwlad ana tilin qásterlewi, onıń keleshek áwladqa sap halında jetip barıwın támiyinlewi kerek. Sońǵı jılları elimizde ana tilimizdi saqlawǵa, onı jáne de bayıtıwǵa ayrıqsha itibar qaratılıp, bul baǵdarda keń kólemli iygilikli isler ámelge asırılmaqta. Álbette, bulardıń barlıǵı ana tilimizge bolǵan joqarı itibar hám ǵamxorlıqtıń ámeldegi kórinisi bolıp tabıladı. Ótkerilgen bayram saltanatında ana tilimize húrmet kórsetiw baǵdarında ámelge asırılıp atırǵan ilajlar keń túrde sóz etildi. Bayram ilajı kórkem óner hám mádeniyat xızmetkerleri atqarıwındaǵı koncert baǵdarlaması menen dawam etti.