Qaraqalpaqstanda dáslepki samal elektr stanciyası turbinaları boy tikledi
1657
Qaraqalpaqstan Respublikası Joqarǵı Keńesiniń Baslıǵı Amanbay Orınbaev húrmetli Prezidentimizdiń tapsırması menen Saudiya Arabstanınıń “ACWA Power” kompaniyası tárepinen respublikamızda ámelge asırılıp atırǵan «Samal elektr stanciyasın shólkemlestiriw» joybarınıń Qaraózek rayonı «Qoybaq» APJ aymaǵında qurılıp atırǵan «Nókis-1» joybarın barıp kórdi. Onda respublikamızdıń miynet aldınǵıları, siyasiy-jámiyetlik ǵayratkerler, nuranıylar qatnastı. Ulıwma bahası 107 mln.dollar, quwatlılıǵı 100 Megavatt bolǵan joybar sheńberinde hár biriniń quwatlılıǵı 6,5 Megavatt bolǵan 16 samal turbina generatorları qurıladı. Búgingi kúnde 3 turbina tolıq qurıp pitkerilgen, sonday-aq, 1 turbina qurılısı jaqın kúnlerde juwmaqlanadı. Tiykarǵısı joybardı ámelge asırıwda 150 den aslam jergilikli puqaralardıń bántligi támiyinlengen. “Nókis-1” joybarı tolıq iske túsiwi nátiyjesinde hár jılı 350 mln. kilovat/saat elektr energiyası islep shıǵarılıwına imkaniyat jaratıladı, ortasha 100 mln. kub tábiiy gaz jumsalıwı tejeledi, hawaǵa 180 mıń tonna karbonat andigrid gazı shıǵındılarınıń tarqalıwı kemeytiledi. 
Bunnan tısqarı, Qaraózek rayonı «Qoybaq» APJ aymaǵında ulıwma bahası 220 mln.dollarlıq jáne bir «Nókis-2» joybarı da ámelge asırılıp, 26 samal turbina generatorları qurıladı. Joybardıń qurılıs jumıslarında 200 den aslam jergilikli puqaranıń bántligi támiyinleniwi rejelestirilgen hám iske túsirilgennen keyin hár jılı 794 mln. kilovat/saat elektr energiyası islep shıǵarılıwına imkaniyat jaratıladı. Bunnan tısqarı, “ACWA Power” kompaniyasınıń Qońırat rayonında ulıwma quwatlılıǵı 2000 megavattlıq samal elektr stanciyasın qurıw boyınsha jáne 4 joybarı ámelge asırılıwı da belgilengen. Joqarǵı Keńes Baslıǵı qurılıs maydanında ámelge asırılıp atırǵan jumıslar, qurılısshılar ushın jaratılǵan sharayatlar menen jaqınnan tanıstı hám bul mega joybarlardıń iske túsiriliwi húrmetli Prezidentimizdiń Qaraqalpaqstanǵa bolǵan ayrıqta itibarınıń nátiyjesi ekenligin atap ótti. Óz náwbetinde, nuranıylarımız, burın bolmaǵan bul jańa joybardıń turmısqa engiziliwinde qol-qanat bolıp atırǵan mámleketimiz basshısınan sheksiz minnetdar ekenligin bildirdi.
Bunnan tısqarı, Qaraózek rayonı «Qoybaq» APJ aymaǵında ulıwma bahası 220 mln.dollarlıq jáne bir «Nókis-2» joybarı da ámelge asırılıp, 26 samal turbina generatorları qurıladı. Joybardıń qurılıs jumıslarında 200 den aslam jergilikli puqaranıń bántligi támiyinleniwi rejelestirilgen hám iske túsirilgennen keyin hár jılı 794 mln. kilovat/saat elektr energiyası islep shıǵarılıwına imkaniyat jaratıladı. Bunnan tısqarı, “ACWA Power” kompaniyasınıń Qońırat rayonında ulıwma quwatlılıǵı 2000 megavattlıq samal elektr stanciyasın qurıw boyınsha jáne 4 joybarı ámelge asırılıwı da belgilengen. Joqarǵı Keńes Baslıǵı qurılıs maydanında ámelge asırılıp atırǵan jumıslar, qurılısshılar ushın jaratılǵan sharayatlar menen jaqınnan tanıstı hám bul mega joybarlardıń iske túsiriliwi húrmetli Prezidentimizdiń Qaraqalpaqstanǵa bolǵan ayrıqta itibarınıń nátiyjesi ekenligin atap ótti. Óz náwbetinde, nuranıylarımız, burın bolmaǵan bul jańa joybardıń turmısqa engiziliwinde qol-qanat bolıp atırǵan mámleketimiz basshısınan sheksiz minnetdar ekenligin bildirdi.