“3-dekabr – Xalıqaralıq imkaniyatı sheklengenler kúni” múnásibeti menen bayram ilajı ótkerildi
1401
Búgingi kúnde mámleketimizde insan qádiri, onıń huqıq hám erkinliklerin támiyinlew, sociallıq qollap-quwatlawǵa mútáj puqaralarǵa ǵamxorlıq kórsetiw mámleketlik siyasattıń baslı baǵdarlarınıń birine aylanǵan. Bul baǵdarda barlıq puqaralarımız sıyaqlı imkaniyatı sheklengen watanlaslarımızǵa itibar hám ámeliy járdem kórsetiw, olardı hár tárepleme qollap-quwatlawǵa ayrıqsha kewil bólinbekte. Olarǵa barqulla itibar qaratılıp, bar múmkinshilikler jaratılıp atır. 
Búgin Nókis qalasındaǵı záwlim orınlardıń birinde “3-dekabr – Xalıqaralıq imkaniyatı sheklengenler kúni” múnásibeti menen bayram ilajı bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, mámleketimizde hesh kim mehir hám itibardan shette qalmaytuǵınlıǵın atap ótti. Bayram ilajında qatnasıwshılarǵa bahalı sawǵalar tapsırıldı. Kórkem óner hám mádeniyat xızmetkerleri tárepinen tayarlanǵan koncert baǵdarlaması jıynalǵanlarǵa xosh keypiyat bólisti.
Búgin Nókis qalasındaǵı záwlim orınlardıń birinde “3-dekabr – Xalıqaralıq imkaniyatı sheklengenler kúni” múnásibeti menen bayram ilajı bolıp ótti. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev qatnasıp, mámleketimizde hesh kim mehir hám itibardan shette qalmaytuǵınlıǵın atap ótti. Bayram ilajında qatnasıwshılarǵa bahalı sawǵalar tapsırıldı. Kórkem óner hám mádeniyat xızmetkerleri tárepinen tayarlanǵan koncert baǵdarlaması jıynalǵanlarǵa xosh keypiyat bólisti.