Nókis mámleketlik pedagogikalıq institutı rektorı hám oqıw isleri boyınsha prorektorı tayınlandı
1531
Búgin, 5-dekabr kúni Ájiniyaz atındaǵı Nókis mámleketlik pedagogikalıq institutında shólkemlestiriw máselelerine arnalǵan jıynalıs bolıp ótti. Jıynalıstı Ózbekstan Respublikası Joqarı bilimlendiriw, ilim hám innovaciyalar ministri Qońıratbay Sharipov basqarıp bardı. Ilajda sońǵı jıllarda elimizde joqarı bilimlendiriwdi sapalıq jaqtan jańa basqıshqa kóteriw, zamanagóy bilim hám kónlikpelerge iye bolǵan, kreativ pikirleytuǵın, málimleme texnologiyaları hám shet tillerin tereń meńgergen kadrlardı tayarlaw baǵdarında ámelge asırılıp atırǵan reformalar, olardıń nátiyjeleri, aldaǵı wazıypalar haqqında sóz boldı. 
Jıynalısta shólkemlestiriw máselesi kórip shıǵılıp, Ózbekstan Respublikası Ministrler Kabinetiniń tiyisli buyrıǵı tiykarında Ájiniyaz atındaǵı Nókis mámleketlik pedagogikalıq institutı rektorı lawazımına Kuvondik Ayitbaevich Kadirov tayınlanǵanlıǵı atap ótildi. Kuvondik Kadirov usı kúnge shekem instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı, sonday-aq, institut rektorı wazıypasın waqıtsha atqarıwshısı lawazımlarında jumıs islegen. 
Jıynalısta Ózbekstan Respublikası Joqarı bilimlendiriw, ilim hám innovaciyalar ministrliginiń buyrıǵı menen instituttıń oqıw isleri boyınsha prorektorı lawazımına tayınlanǵan Muxtar Mamutovich Ibragimov jámáátke tanıstırıldı. Muxtar Ibragimov miynet jolı dawamında Qaraqalpaq mámleketlik universitetinde oqıw isleri boyınsha prorektor lawazımında, sonday-aq, 2019-2024-jıllarda Ózbekstan Respublikası Oliy Majlisi Nızamshılıq palatasınıń deputatı – Ilim, bilimlendiriw, mádeniyat, sport hám jaslar máseleleri komitetiniń aǵzası sıpatında jumıs alıp barǵan. Jıynalısta birqatar professor-oqıtıwshılar sózge shıǵıp, institut rektorı hám oqıw isleri boyınsha prorektorına aldaǵı jumıslarında tabıslar tiledi. Ilajda xalıqaralıq standartlarǵa sáykes kadrlar tayarlaw, xalıqaralıq birge islesiwdiń nátiyjeliligi hám bilimlendiriwdiń sapasın arttırıw, sonday-aq, bakalavr tálim baǵdarların tiyisli tártipte xalıqaralıq akkreditaciyadan ótkeriw boyınsha aldaǵı islenetuǵın jumıslar belgilep alındı. Jıynalısqa Qaraqalpaqstan Respublikası Joqarǵı Keńesiniń komitet baslıǵı Murat Atamuratov qatnastı.
Jıynalısta shólkemlestiriw máselesi kórip shıǵılıp, Ózbekstan Respublikası Ministrler Kabinetiniń tiyisli buyrıǵı tiykarında Ájiniyaz atındaǵı Nókis mámleketlik pedagogikalıq institutı rektorı lawazımına Kuvondik Ayitbaevich Kadirov tayınlanǵanlıǵı atap ótildi. Kuvondik Kadirov usı kúnge shekem instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı, sonday-aq, institut rektorı wazıypasın waqıtsha atqarıwshısı lawazımlarında jumıs islegen. Jıynalısta Ózbekstan Respublikası Joqarı bilimlendiriw, ilim hám innovaciyalar ministrliginiń buyrıǵı menen instituttıń oqıw isleri boyınsha prorektorı lawazımına tayınlanǵan Muxtar Mamutovich Ibragimov jámáátke tanıstırıldı. Muxtar Ibragimov miynet jolı dawamında Qaraqalpaq mámleketlik universitetinde oqıw isleri boyınsha prorektor lawazımında, sonday-aq, 2019-2024-jıllarda Ózbekstan Respublikası Oliy Majlisi Nızamshılıq palatasınıń deputatı – Ilim, bilimlendiriw, mádeniyat, sport hám jaslar máseleleri komitetiniń aǵzası sıpatında jumıs alıp barǵan. Jıynalısta birqatar professor-oqıtıwshılar sózge shıǵıp, institut rektorı hám oqıw isleri boyınsha prorektorına aldaǵı jumıslarında tabıslar tiledi. Ilajda xalıqaralıq standartlarǵa sáykes kadrlar tayarlaw, xalıqaralıq birge islesiwdiń nátiyjeliligi hám bilimlendiriwdiń sapasın arttırıw, sonday-aq, bakalavr tálim baǵdarların tiyisli tártipte xalıqaralıq akkreditaciyadan ótkeriw boyınsha aldaǵı islenetuǵın jumıslar belgilep alındı. Jıynalısqa Qaraqalpaqstan Respublikası Joqarǵı Keńesiniń komitet baslıǵı Murat Atamuratov qatnastı.