Ózbekstan awıl xojalıǵı xızmetkerlerine

Qádirli watanlaslar! Húrmetli diyqan hám fermerler, agrar taraӯınıń jankúyerleri! Janajan diyarımızda atız jumısları, házirgi máӯsim juӯmaǵına jetip atırǵan bul qutlı áyyyamda sizlerdi hám kóp milletli pútkil xalqımızdı Aӯıl xojalıǵı xızmetkerleri kúni menen shın júregimnen qızǵın qutlıqlayman. Pidákerlik miyneti menen topıraqtan jemis óndirip, xalqımız dasturxanın tolıqtırıp kiyatırǵan sizdey miynetkesh diyqan hám fermerler, sheber baǵman hám sharӯalarǵa, isker agronom hám mexanizatorlar, klasterlerdiń tájiriybeli basshıları hám xızmetkerleri, taraӯdıń húrmetli veteranlarına ózimniń tereń húrmetimdi hám jaqsı tileklerimdi bildiremen. Áziz doslar! Sońǵı jılları global klimat ózgerisleri, tábiyǵıy apatshılıqlar, jer hám suӯ resurslarınıń jetspeӯshigi aӯıl xojalıǵı taraӯında da áhmiyetli mashqalalardı keltirip shıǵarmaqta. Áne, usınday qıyın sharayatqa qaramastan, bıyılǵı jılı sizlerdiń mashaqatlı miynetińiz benen elimizde 9 million tonna dán, 3 million tonadan aslam paxta, 16 million tonnadan aslam ovoщ hám palız, 5 million tonna miyӯe hám júzim, 4 million tonna kartoshka , 15 million tonnadan kóp gósh hám sút, 30 mıń tonna pille jetistirilgeni – shın qaharmanlıqtıń belgisi, desek, hár tárepleme durıs boladı. Bunıń ushın sizlerdiń atıńızǵa hár qansha maqtaӯlar aytsaq, arzıydı. Álbette, bunday úlken jetiskenliklerge erisiӯde keyingi jıllarda aӯıl xojalıǵınıń raӯajlanıӯına berilip atırǵan joqarı itibar, tarmaqta túp-tiykarınan strukturalıq ózgerisler ámelge asırılıp, óndiris qatnasıqları zaman talapları tiykarında jolǵa qoyılıp atırǵanı sheshiӯshi áhmiyetke iye bolǵanın hámmemiz jaqsı túsinemiz. Ásirese, taraӯǵa aldınǵı agrotexnologiyalar, ilim hám innovaciya jetiskenlikleriniń keńnen engizilip atırǵanı unamlı nátiyje bermekte. Bıyılǵı jılı 100 mıń gektar maydanda kesellik hám zıyankeslerge shıdamlı ónimli paxta sortları egilip, olardan ónim jetistirilgeni bul pikirdi tastıyıqlaydı. Ǵálle jetistiriӯde resurs únemleytuǵın zamanagóy agrotexnologiyalardı qollanıӯ nátiyjesinde ortasha ónimdarlıq birinshi márte 85 centnerge jetkerildi. Altı mıńnan aslam tájiriybeli fermelerimiz bul baǵdarda 90-100 centnerlik shekke jetkenin ayrıqsha atap ótiӯ zárúr. Resurslardı únemleytuǵın intensiv texnologiyalar tiykarında 50 mıń gektar maydanda ovoщ jetistirilip, ónimdarlıq dástúriy usılǵa salıstırǵanda 200-250 centnerge artqanı, sap dáramat gektarınan 6-8 mıń dollardı quraǵanı da áhiyetli jetiskenliklerimizdiń qatarına kiredi. Jıl daӯamında aӯıl xojalıǵı subektlerine 18 trillion sum jeńillikli kredit hám 176 milliard sum subsidiya ajıratılǵanı, ulıӯma bahası 3,6 trillion sumlıq 11 mıń 600 dana joqarı ónimli zamanagóy texnika hám agregatlar jetkerip berilgeni de máӯsimdi nátiyjeli juӯmaqlaӯda áhmiyetli faktor boldı. Mámleketimizde aӯıl xojalıǵın klimat ózgerislerine beyimlestiriw, olardıń unamsız tásirin jumsartıӯ maqsetinde birinshi márte Milliy baǵdarlama qabıl etildi. Onıń orınlanıӯın támiyinleӯ hám ónim jetistiriӯshilerdi qollap-quӯatlaӯ ushın sırt elli shólkemlerden 160 million dollardan aslam qarjılar tartılmaqta. Bıyıl aӯıllıq jerlerde azıq-aӯqat sanaatın raӯajlandırıӯ, ónimlerdi saqlaӯ hám satıӯ infrastrukturasın raӯajlandırıӯ boyınsha 343 jańa joybar iske qosılǵanı dıqqatqa ılayıq bolıp esaplanadı. Sonday-aq, diyqan xojalıqların shólkemlestiriӯ ushın 75 mıń gektar jer maydanları 180 mıńnan aslam sociallıq jaqtan mútáj xalıq hám jaslarǵa bólip berilgeni hám 200 mıńnan aslam jumıs ornı jaratılǵanı aӯılda bántlikti támiyinleӯ, real dáramatlardı arttırıӯ, kámbaǵallıqtı qısqartıӯda áhmiyetli rol atqarmaqta. Qıytaq jerlerde dáramattı arttırıӯ maqsetinde 5145 máhálle «Bir máhálle – bir ónim» principı tiykarında qánigelestirildi. Sharӯa násilin jaqsılaӯ hám ónim kólemin kóbeytiӯ ushın xalıqqa 40 mıń bas qaramal, 82 mıń qoy hám eshki jetkerip berildi, shetten 260 mıń bas násilli mallar alıp kelindi. Qádirli doslar! 2025-jıldı mámleketimizde «Qorshaǵan ortalıqtı qorǵaw hám «jasıl ekonomika» jılı» dep járiyalaǵanımız, álbette, biykarǵa emes. Pútkil táǵdiri hám keleshegi jer-suӯ resursları menen tıǵız baylanıslı aӯıl xojalıǵı ushın bul qarardıń áhmiyeti qanshelli úlken ekenin siz, ázizler, ásirese, jaqsı túsinesiz. Álbette, usı jıl boyınsha qabıl etiletuǵın mámleketlik baǵdarlama taraӯdı turaqlı raӯajlandırıӯ, azıq-aӯqat qáӯipsizligin támiyinleӯ, aӯıl xojalıǵında «jasıl» texnologiyalardı qollanıӯ, ekologiyalıq taza ónimler jetistiriӯ boyınsha jańa imkaniyatlar ashadı. Agrar taraӯdı ilim tiykarında raӯajlandırıӯdı sistemalı jolǵa qoyıӯ, onıń barlıq tarmaqlarındaǵı innovaciyalıq jumıstı integraciyalaӯ maqsetinde kelesi jılı Ózbekstan Respublikası Aӯıl xojalıǵı ilimleri akademiyasın shólkemlestiremiz. Ótken jıllardaǵı unamlı tájiriybe daӯam ettirilip, jáne 100 mıń gektar jer diyqan xojalıqların shólkemlestiriӯ ushın xalıqqa bólip beriledi. Paxta jetistiriwde 40 procent maydanda Qıtayda ózin aqlaǵan aldınǵı tájiriybe engiziledi. Xalıqaralıq sheriklerimiz benen birgelikte kóplegen perspektivalı joybarlar ámelge asırıladı. «Sanlı aӯıl xojalıǵı» birden-bir integraciyalıq platforması jetistirilip, ónim jetistiriӯshilerge «bir ayna» principi tiykarında kompleksli xızmet kórsetiӯ tártibi jolǵa qoyıladı. Aӯıl hám máhállelerdi abat etiӯ, sociallıq infrastrukturasın raӯajlandırıӯ, aӯıl xalqı ushın jańa jumıs orınların jaratıӯ baǵdarındaǵı jumıslarımız da izbe-iz daӯam ettiriledi. Húrmetli diyqan hám fermerler, taraӯ xızmetkerleri! Kórip turǵanınızday, aldımızda úlken ӯazıypalar turıptı Olardı ámelge asırıӯda sizler belsene qatnasıp, óz kúsh-ǵayratıńız, bilim hám tájiriybeńiz benen aӯıl xojalıǵınıń raӯajlanıӯın jańa basqıshqa alıp shıǵıӯǵa múnásip úles qosasız, dep isenemen. Siz, ázizilerdi búgingi payızlı bayram menen jáne bir ret shın júrekten qutlıqlap, bársheńizge bekkem densaӯlıq, shańaraqlarıńızǵa tınıshlıq, baxıt-ıǵbal, húrmetli jumısıńızda úlken tabıslar tileymen. Hadal miynetińiz ushın jáne bir márte úlken raxmet, Bárqulla salamat bolıń, ómirińizden bereket tabıń, qádirdanlarım!

Shavkat Mirziyoev,

Ózbekstan Respublikası Prezidenti