Jańa sud imaratları paydalanıwǵa tapsırıldı
1052
Nókis qalasında Nѳkis áskeriy Sudı imaratı hám Taqıyatas rayonında Taqıyatas Sud imaratınıń ashılıw máresimi ótkerildi. Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep jańa imarat paydalanıwǵa tapsırılıwı múnásibeti menen jıynalǵanlardı qutlıqladı. Ashılıw saltanatında Ózbekstan Respublikası Oliy Sudı baslıǵı B.Islamov hám de Ѳzbekstan Respublikası Áskeriy sudınıń baslıǵı S.Eshankulov qatnastı. Atap ótilgenindey, tarawdaǵı reformalardıń ámelge asırılıwın támiyinlewde, ásirese, xalqımızdıń haqıyqatlıqqa hám ádillikke bolǵan isenimin jáne de bekkemlewde Sudlardıń tutqan ornı ayrıqsha sanaladı. Sonlıqtanda sudlardıń materiallıq-texnikalıq bazasın bekkemlew, sud xızmetkerleri ushın múnásip jumıs sharayatların jaratıw baǵdarında keń kólemli reformalar alıp barılmaqta. 
Nѳkis áskeriy sudınıń imaratı 7 mlrd. swmlıq qarjı esabınan jańadan qurıp pitkerilip, áskeriy sud xızmetkerleri ushın barlıq qolaylı sharayatlar jaratıldı. Sonday-aq, jınayat isleri boyınsha Taqıyatas rayonı sudınıń jańa imaratı investiciya baǵdarlaması tiykarında 7 mlrd. swm qarjı esabınan 2 etajlı etip, zamanagѳy kѳriniste qurıp pitkerildi. Álbette, bul jańa imaratlar elimizde nızam ústemligin támiyinlew jolında xızmet etedi.
Nѳkis áskeriy sudınıń imaratı 7 mlrd. swmlıq qarjı esabınan jańadan qurıp pitkerilip, áskeriy sud xızmetkerleri ushın barlıq qolaylı sharayatlar jaratıldı. Sonday-aq, jınayat isleri boyınsha Taqıyatas rayonı sudınıń jańa imaratı investiciya baǵdarlaması tiykarında 7 mlrd. swm qarjı esabınan 2 etajlı etip, zamanagѳy kѳriniste qurıp pitkerildi. Álbette, bul jańa imaratlar elimizde nızam ústemligin támiyinlew jolında xızmet etedi.