Joqarǵı Kenes Baslıǵı «Mehirli mektep» filialı tárbiyalanıwshıların bayram menen qutlıqladı
1661
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraqalpaqstan medicina institutı klinikasındaǵı gospital túrindegi «Mehirli mektep» filialına bardı. Bul jerde emlenip, bilim alıp atırǵan balalardı kirip kiyatırǵan Jańa jıl bayramı menen qutlıqlap, elimizde hár bir bala húrmetli Prezidentimizdiń itibarında hám ǵamxorlıǵında ekenligin atap ótti hám institut rektorı O.Ataniyazova menen birge Prezident sawǵaların tapsırdı. 
Aytıp ótiw orınlı, Qaraqalpaqstan medicina institutı klinikasında «Zamin» fondı tárepinen «Mehirli mektep» filialı ashılǵan edi. Usı tiykarda túrli onkogematologiyalıq kesellikler menen nawqaslanǵan, uzaq waqıt dawamında emleniwdi hám kútimdi talap etetuǵın, ápiwayı mektep yamasa baqshaǵa barıw imkaniyatı bolmaǵan balalardıń emleniw menen bir waqıtta bilim alıwına hám tárbiyalanıwına barlıq sharayatlar jaratılǵan. Bul jerde onkogematologiyalıq patologiyası bolǵan balalar ushın qolaylı klass xanalarında, arnawlı sharayatlarda oqıw processi alıp barıladı. Olar reabilitaciya processinen de usı jerdiń ózinde ata-anaları qatnasıwında ótedi. Kewilleri quwanıshqa bólengen balalar Jańa 2025-jıldaǵı arzıw-niyetlerin bildirdi. Bunnan soń, bayramǵa sán berip turǵan shırsha átirapında Ayaz ata menen Qarqız, túrli ertek qaharmanları qatnasıwındaǵı sahnalastırılǵan tamashalar jıynalǵanlar názerine usınıldı.
Aytıp ótiw orınlı, Qaraqalpaqstan medicina institutı klinikasında «Zamin» fondı tárepinen «Mehirli mektep» filialı ashılǵan edi. Usı tiykarda túrli onkogematologiyalıq kesellikler menen nawqaslanǵan, uzaq waqıt dawamında emleniwdi hám kútimdi talap etetuǵın, ápiwayı mektep yamasa baqshaǵa barıw imkaniyatı bolmaǵan balalardıń emleniw menen bir waqıtta bilim alıwına hám tárbiyalanıwına barlıq sharayatlar jaratılǵan. Bul jerde onkogematologiyalıq patologiyası bolǵan balalar ushın qolaylı klass xanalarında, arnawlı sharayatlarda oqıw processi alıp barıladı. Olar reabilitaciya processinen de usı jerdiń ózinde ata-anaları qatnasıwında ótedi. Kewilleri quwanıshqa bólengen balalar Jańa 2025-jıldaǵı arzıw-niyetlerin bildirdi. Bunnan soń, bayramǵa sán berip turǵan shırsha átirapında Ayaz ata menen Qarqız, túrli ertek qaharmanları qatnasıwındaǵı sahnalastırılǵan tamashalar jıynalǵanlar názerine usınıldı.