Studentler turaq jayı paydalanıwǵa tapsırıldı
1010
Búgin Berdaq atındaǵı Qaraqalpaq mámleketik universitetiniń jańa 400 orınlı studentler turaq jayınıń imaratı paydalanıwǵa tapsırılıwı múnásibeti menen ashılıw saltanatı ótkerildi. Onda Qaraqapaqstan Respublikası Joqarǵı Keńesiniń komitet baslıǵı M.Atamuratov shıǵıp sóylep, jańa obekt paydalanıwǵa tapsırıwı múnásibeti menen jıynalǵanlardı qutlıqladı. Ilajda Ózbekstan Respublikası Joqarı bilimlendiriw, ilim hám innovaciyalar ministriniń orınbasarı S.Buzrukxonov qatnastı. Atap ótiw orınlı, sońǵı jıllarda húrmetli Prezidentimiz tárepinen bilimlendiriw tarawına ayrıqsha itibar qaratılıp, bul baǵdarda keń kólemli ilajlar ámelge asırılmaqta. 
Búgingi kúnde Qaraqalpaqstanda joqarı oqıw orınlarınıń sanı 12 ge jetkerilgen bolsa, joqarı oqıw orınlarına kiriwshi jaslarımız ushın usı oqıw jılında jáne qosımsha 10 mıń kvota ajıratıldı. Bugin paydalanıwǵa tapsırılıp atırǵan, derlik 23 mlrd. sumlıq qarjı esabınan jańadan qurıp pitkerilgen studentler turaq jayı da mine, usı baǵdardaǵı iygilikli jumıslardan sanaladı. Albette, bunday ilajlar jáne de dawam ettiriledi. Ashılıw saltanatı dawamında miymanlar studentler ushın jaratılǵan sharayatlar menen jaqınnan tanıstı.
Búgingi kúnde Qaraqalpaqstanda joqarı oqıw orınlarınıń sanı 12 ge jetkerilgen bolsa, joqarı oqıw orınlarına kiriwshi jaslarımız ushın usı oqıw jılında jáne qosımsha 10 mıń kvota ajıratıldı. Bugin paydalanıwǵa tapsırılıp atırǵan, derlik 23 mlrd. sumlıq qarjı esabınan jańadan qurıp pitkerilgen studentler turaq jayı da mine, usı baǵdardaǵı iygilikli jumıslardan sanaladı. Albette, bunday ilajlar jáne de dawam ettiriledi. Ashılıw saltanatı dawamında miymanlar studentler ushın jaratılǵan sharayatlar menen jaqınnan tanıstı.