Deputatlardıń jumısın kúsheytiw máselelerine baǵıshlanǵan seminarlar ótkerilmekte
1054
Búgingi kúnde xalıq deputatları rayonlıq, qalalıq Keńesleriniń deputatları, sekretariat baslıqları, xızmetkerleri hám rayonlıq, qalalıq Keńesleri partiya basshıları ushın oqıw-seminarlar shólkemlestirilmekte. Usınday seminarlar Taxtakópir, Qaraózek, Shımbay hám Nókis rayonlarında ótkerildi. Seminarǵa Qaraqalpaqstan Respublikası Joqarǵı Keńesiniń komitet baslıǵı Sh.Otemisov basshılıq etti. Onda xalıq deputatları rayonlıq, qalalıq keńesleri deputatlarınıń ádep-ikramlılıq qaǵıydaları, Keńes deputatları, sekretariatları hám siyasiy partiyalardıń jumıs rejelerin islep shıǵıw tártibi haqqında sóz boldı. Sonday-aq, mámleketlik baǵdarlamalar, investiciyalıq baǵdarlamalardı qadaǵalaw, "Parlamentlik qadaǵalaw"dı ámelge asırıwda deputattıń rolin arttırıw, "Deputatlıq soraw hám deputat múrájatların" jiberiw, "Máhálle jetiligi" menen islesiw máseleleri de keń túrde dodalandı. 
Seminar dawamında bayanatshılar tárepinen deputatlıq jumısınıń nızamlı tiykarları jáne saylawshılardıń múrájatları menen islesiwde deputatlardıń ornı hám juwapkershiligin arttırıw, olardıń saylanǵan okrug aymaǵındaǵı mashqalalarına sheshim tabıw baǵdarındaǵı belsendiligin arttırıw boyınsha sóz etildi. Seminarlar barlıq qala hám rayonlarda dawam ettiriledi.
Seminar dawamında bayanatshılar tárepinen deputatlıq jumısınıń nızamlı tiykarları jáne saylawshılardıń múrájatları menen islesiwde deputatlardıń ornı hám juwapkershiligin arttırıw, olardıń saylanǵan okrug aymaǵındaǵı mashqalalarına sheshim tabıw baǵdarındaǵı belsendiligin arttırıw boyınsha sóz etildi. Seminarlar barlıq qala hám rayonlarda dawam ettiriledi.