Joqarǵı Keńes Baslıǵı Amanbay Orınbaev Taqıyatas rayonındaǵı bir qatar máhállelerdiń puqaraları menen ushırasıp, mashqalaların tıńladı
1031
Dáslep, shetki «Saraykól» awıl puqaralar jıyını turǵınları menen ushırasqan Joqarǵı Keńes Baslıǵı máhálledegi infrastruktura menen baylanıslı máseleler basqıshpa-basqısh óz sheshimin tabatuǵınlıǵın, húrmetli Prezidentimizdiń tapsırması menen xalqımız turmısın jaqsılaw boyınsha orınlı kóterilgen mashqalalar, álbette, saplastırılatuǵınlıǵın atap ótti. Usı orınnıń ózinde, puqaralar taza ishimlik suwı menen baylanıslı mashqalası bar ekenligin bildirgen bolsa, bul mashqalanı saplastırıwǵa 30 mln. sum qarjı ajıratıldı. 
Bunnan soń, «Jayhun» máhállesi turǵınları menen ushırasıwda gaz tarmaqların tartıw máselesi kóterilip, bul mashqalanı sheshiw ushın kerekli bolǵan 30 mln. sum qarjını búginniń ózinde ajıratıw boyınsha tiyisli tapsırma berildi. Puqaraları menen pikirlesiw barısında Joqarǵı Keńes Baslıǵı «Aydın jol» hám «Doslıq» mákan puqaralar jıyını turǵınları menen de ushırasıp, awır sharayattaǵı bul máhállelerdi abat etiw ushın Prezidentimiz tárepinen tiyisli qarjılar ajıratılǵanı, infrastruktura menen baylanıslı mashqalalar óz sheshimin tabatuǵınlıǵın aytıp ótti. Óz náwbetinde, puqaralar da Prezidentimizdiń bunday itibarı hám ǵamxorlıǵı ushın ayrıqsha minnetdarshılıǵın bildirdi. 
Joqarǵı Keńes Baslıǵı rayon aymaǵında sociallıq qorǵawǵa mútáj shańaraqlardı jaylastırıw ushın qayta rekonstrukciya islenip atırǵan obekttegi jumıslardı barıp kórdi hám qurılıs jumısların sapalı etip juwmaǵına jetkeriw kerek ekenligin atap ótti. Házirgi waqıtta bul orında 45 shańaraqqa mólsherlenip, ońlaw jumısları ámelge asırılmaqta. Sonday-aq, qosımsha 27 shańaraqtı jaylastırıw ushın jańa imarat qurılıwı belgilengen. 
Bunnan soń rayon orayındaǵı diyqan bazarı kózden ótkerildi. Juwapkerlerge qarıydarlar hám satıwshılarǵa qolaylı sharayatlar jaratıw, sonday-aq, ámelge asırılıwı kerek bolǵan ilajlar boyınsha anıq tapsırmalar berildi.
Bunnan soń, «Jayhun» máhállesi turǵınları menen ushırasıwda gaz tarmaqların tartıw máselesi kóterilip, bul mashqalanı sheshiw ushın kerekli bolǵan 30 mln. sum qarjını búginniń ózinde ajıratıw boyınsha tiyisli tapsırma berildi. Puqaraları menen pikirlesiw barısında Joqarǵı Keńes Baslıǵı «Aydın jol» hám «Doslıq» mákan puqaralar jıyını turǵınları menen de ushırasıp, awır sharayattaǵı bul máhállelerdi abat etiw ushın Prezidentimiz tárepinen tiyisli qarjılar ajıratılǵanı, infrastruktura menen baylanıslı mashqalalar óz sheshimin tabatuǵınlıǵın aytıp ótti. Óz náwbetinde, puqaralar da Prezidentimizdiń bunday itibarı hám ǵamxorlıǵı ushın ayrıqsha minnetdarshılıǵın bildirdi. Joqarǵı Keńes Baslıǵı rayon aymaǵında sociallıq qorǵawǵa mútáj shańaraqlardı jaylastırıw ushın qayta rekonstrukciya islenip atırǵan obekttegi jumıslardı barıp kórdi hám qurılıs jumısların sapalı etip juwmaǵına jetkeriw kerek ekenligin atap ótti. Házirgi waqıtta bul orında 45 shańaraqqa mólsherlenip, ońlaw jumısları ámelge asırılmaqta. Sonday-aq, qosımsha 27 shańaraqtı jaylastırıw ushın jańa imarat qurılıwı belgilengen. Bunnan soń rayon orayındaǵı diyqan bazarı kózden ótkerildi. Juwapkerlerge qarıydarlar hám satıwshılarǵa qolaylı sharayatlar jaratıw, sonday-aq, ámelge asırılıwı kerek bolǵan ilajlar boyınsha anıq tapsırmalar berildi.