Taqıyatas rayonın abadanlastırıw boyınsha keń kólemli jumıslar baslap jiberildi
920
Jaqında Qaraqalpaqstan Respublikası Joqarǵı Keńesiniń Baslıǵı Amanbay Orınbaev Taqıyatas rayonın rawajlandırıw hám keń kólemli abadanlastırıw jumısların alıp barıw boyınsha májilis ótkergen edi. Majiliste kámbaǵallıqtı qısqartıw, puqaralardıń turmısında ushırasıp atırǵan mashqalalardı sheshiw, sonıń menen birge máhállelerdiń infrastrukturasın jaqsılaw hám basqa da bir qatara wazıypalar belgilep alındı. 
Búgin Joqarǵı Keńes Baslıǵı basshılıǵında topıraq jollardı qum-щeben aralaspalı jollarǵa aylandırıw, keń kólemli abadanlastırıw jumısların alıp barıw baǵdarındaǵı ámeliy jumıslar baslap jiberildi. Aytıp ótiw orınlı, usı jıldıń ózinde rayondaǵı jazda qum-shańǵıtı, jawın-shashınlı kúnlerde ılayı menen xalıqtı qıynap kelgen jámi 31 km topıraq jollar qum-щeben aralaspalı jollarǵa aylandırılıwı rejelestirilgen. Bul jumıslardı ámelge asırıwda arnawlı texnikalar, rayonlıq mákeme-shólkemler menen birge Ayrıqsha jaǵdaylar basqarması xızmetkerleri de mobilizaciya etilgen. 
Bunnan tısqarı, Ministrler Kabinetiniń 52-sanlı qararı tiykarında 79 jaydıń tóbesi shiferlanıwı, avariyalıq 26 turaq-jay jańadan qurılıwı belgilengen. Xalıqaralıq qarjılar tiykarında 5 mektepke shekemgi, 2 mektep, 2 máhálle imaratı jańadan qurılıp, paydalanıwǵa tapsırıladı. Joqarǵı Keńes Baslıǵı taraw basshıları hám juwapkerler menen ushırasıwda Taqıyatas rayonında baslanǵan úlken háreket sheńberinde máhálleler hám awıllardıń ishki xojalıq jolların ońlaw ushın arnawlı qum-tas aralaspası alıp kelinip atırǵanı hám bul boyınsha jumıslar imkaniyat dárejesinde keń qamtıwlı dawam ettirilip, rayonda ońlanbaǵan topıraq jollar qum-щeben aralaspalı jollarǵa aylandırılatuǵınlıǵın atap ótti.
Búgin Joqarǵı Keńes Baslıǵı basshılıǵında topıraq jollardı qum-щeben aralaspalı jollarǵa aylandırıw, keń kólemli abadanlastırıw jumısların alıp barıw baǵdarındaǵı ámeliy jumıslar baslap jiberildi. Aytıp ótiw orınlı, usı jıldıń ózinde rayondaǵı jazda qum-shańǵıtı, jawın-shashınlı kúnlerde ılayı menen xalıqtı qıynap kelgen jámi 31 km topıraq jollar qum-щeben aralaspalı jollarǵa aylandırılıwı rejelestirilgen. Bul jumıslardı ámelge asırıwda arnawlı texnikalar, rayonlıq mákeme-shólkemler menen birge Ayrıqsha jaǵdaylar basqarması xızmetkerleri de mobilizaciya etilgen. Bunnan tısqarı, Ministrler Kabinetiniń 52-sanlı qararı tiykarında 79 jaydıń tóbesi shiferlanıwı, avariyalıq 26 turaq-jay jańadan qurılıwı belgilengen. Xalıqaralıq qarjılar tiykarında 5 mektepke shekemgi, 2 mektep, 2 máhálle imaratı jańadan qurılıp, paydalanıwǵa tapsırıladı. Joqarǵı Keńes Baslıǵı taraw basshıları hám juwapkerler menen ushırasıwda Taqıyatas rayonında baslanǵan úlken háreket sheńberinde máhálleler hám awıllardıń ishki xojalıq jolların ońlaw ushın arnawlı qum-tas aralaspası alıp kelinip atırǵanı hám bul boyınsha jumıslar imkaniyat dárejesinde keń qamtıwlı dawam ettirilip, rayonda ońlanbaǵan topıraq jollar qum-щeben aralaspalı jollarǵa aylandırılatuǵınlıǵın atap ótti.