Hayal qızlar forumı ótkerildi
1104
Búgin Nókis qalasında jaylasqan "Aqquw" kompleksinde «Arzıwdan tabısqa shekem…» súreni astında Hayal qızlar forumınıń saltanatlı ashılıw máresimi ótkerildi. Onda Ózbekstan Respublikası Bas ministri orınbasarı, Shańaraq hám hayal-qızlar komiteti baslıǵı Z.Maxkamova, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev, Ministrler Keńesi Baslıǵınıń orınbasarı-Shańaraq hám hayal-qızlar komiteti baslıǵı M.Axmedova shıǵıp sóylep, jıynalǵanlardı qutlıqladı. Atap ótilgenindey, sońǵı jıllarda mámleketimizde hayal-qızlardı hár tárepleme qollap-quwatlaw mámleketlik siyasattıń baslı baǵdarlarınıń birine aylandı. Bul baǵdarda olar ushın jańa imkaniyatlar jaratılıp, barlıq taraw hám tarmaqlarda, jámiyetimizde hayal-qızlardıń ornı artıp barmaqta. 
Búgingi ótkerilgen forum da bul baǵdardaǵı jumıslardıń dawamı bolıp, isbilermen hayal-qızlar arasında óz-ara pikirlesiw ortalıǵın jaratıw hám tájiriybe almasıw, hayal-qızlar isbilermenligin rawajlandırıw hám olardı isbilermenlikke keńnen tartıw, dáramatların arttırıwǵa járdemlesiw hám finanslıq sawatlılıǵın arttırıwǵa xızmet etiwi menen áhmiyetli esaplanadı. Álbette, ótkerilgen forum hayal-qızlar arasında isbilermenlikti elede keńnen en jaydırıw hám olardıń dáramatın asırıw boyınsha jaqınnan pikirlesiw ushın qolaylı ortalıq jarata aldı.
Búgingi ótkerilgen forum da bul baǵdardaǵı jumıslardıń dawamı bolıp, isbilermen hayal-qızlar arasında óz-ara pikirlesiw ortalıǵın jaratıw hám tájiriybe almasıw, hayal-qızlar isbilermenligin rawajlandırıw hám olardı isbilermenlikke keńnen tartıw, dáramatların arttırıwǵa járdemlesiw hám finanslıq sawatlılıǵın arttırıwǵa xızmet etiwi menen áhmiyetli esaplanadı. Álbette, ótkerilgen forum hayal-qızlar arasında isbilermenlikti elede keńnen en jaydırıw hám olardıń dáramatın asırıw boyınsha jaqınnan pikirlesiw ushın qolaylı ortalıq jarata aldı.