Ámiwdárya rayonın hár tárepleme rawajlandırıw boyınsha wazıypalar bólistirildi
714
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında Ámiwdárya rayonın kompleks rawajlandırıw baǵdarındaǵı ámelge asırılıwı tiyis jumıslarǵa arnalǵan májilis ótkerildi. Onda Ózbekstan Respublikası Prezidentiniń keńesgóyi T.Xudaybergenov, Ministrler Keńesiniń Baslıǵı F.Ermanov, respublika, qala hám rayonlardıń sektor basshıları hám barlıq mákeme-shólkem juwapkerleri qatnastı. Ótkerilgen májiliste rayondı sociallıq-ekonomikalıq rawajlandırıw, xalıqtıń kewil-keypiyatına tásir etip atırǵan máhállelerdegi infrastrukturalıq, sociallıq hám basqa da mashqalalarǵa sheshim tabıw, isbilermenlikti ele de rawajlandırıw sıyaqlı áhmiyetli máseleler sóz etildi. 
Bıyılǵı jılı húrmetli Prezidentimizdiń ayrıqsha itibarı menen Ámiwdárya rayonında sociallıq hám infrastruktura obektlerinde qurılıs-ońlaw jumısların alıp barıw ushın mámleketlik hám basqa da baǵdarlamalar tiykarında jámi 86 obektke ulıwma 537,4 mlrd.sum qarjı ajarıtılıwı rejelestirilgeni, usı tiykarda kóplegen mashqalalar óz sheshimin tabatuǵınlıǵı Joqarǵı Keńes Baslıǵı tárepinen úlken qanaatlanıwshılıq penen tilge alındı. Májiliste hár bir basshı ózinine biriktirilgen wazıypaǵa ayrıqsha juwapkershilik penen qarawı kerekligi, xalıq iygiligi jolındaǵı bul jumıslar puqaralardıń abadan turmısın támiyinlewge xızmet etetuǵınlıǵı ayrıqsha atap ótildi. Sonday-aq, kóp jıllar dawamında xalıqtı qıynap kelgen mashqalalı máselelerdi unamlı sheshiw, awır sharayattaǵı máhállelerdi abat etiw baǵdarında ámelge asırılıwı kerek bolǵan tiykarǵı jumıslar belgilenip, barlıq basshılarǵa wazıypalar bólistirildi.
Bıyılǵı jılı húrmetli Prezidentimizdiń ayrıqsha itibarı menen Ámiwdárya rayonında sociallıq hám infrastruktura obektlerinde qurılıs-ońlaw jumısların alıp barıw ushın mámleketlik hám basqa da baǵdarlamalar tiykarında jámi 86 obektke ulıwma 537,4 mlrd.sum qarjı ajarıtılıwı rejelestirilgeni, usı tiykarda kóplegen mashqalalar óz sheshimin tabatuǵınlıǵı Joqarǵı Keńes Baslıǵı tárepinen úlken qanaatlanıwshılıq penen tilge alındı. Májiliste hár bir basshı ózinine biriktirilgen wazıypaǵa ayrıqsha juwapkershilik penen qarawı kerekligi, xalıq iygiligi jolındaǵı bul jumıslar puqaralardıń abadan turmısın támiyinlewge xızmet etetuǵınlıǵı ayrıqsha atap ótildi. Sonday-aq, kóp jıllar dawamında xalıqtı qıynap kelgen mashqalalı máselelerdi unamlı sheshiw, awır sharayattaǵı máhállelerdi abat etiw baǵdarında ámelge asırılıwı kerek bolǵan tiykarǵı jumıslar belgilenip, barlıq basshılarǵa wazıypalar bólistirildi.