Qaraqalpaqstan Respublikası Joqarǵı Keńesi komitetleriniń qospa májilisi ótkerildi
1035
Onda Qaraqalpaqstan Respublikası Joqarǵı Keńesiniń Sociallıq-mádeniy rawajlanıw, jaslar siyasatı, turizm hám jámiyetlik birlespeler máseleleri komitetiniń baslıǵı M.Atamuratov, Byudjet, ekonomikalıq reformalar, investiciyalar hám innovaciya máseleleri komitetiniń baslıǵı B.Seytnazarov, deputatlar hám taraw juwapkerleri qatnastı. Onda dáslep, Joqarǵı Keńes Baslıǵınıń orınbasarı R.Saparbaev tárepinen usınıs etilgen "Barlıq jańa tuwılǵan balalar ushın balalar depozitin ashıw boyınsha joybar" talqılandı. Atap ótiw orınlı, bul joybar menen xalıqta uzaq múddetli investiciyalıq oy-pikir basqıshpa-basqısh qáliplesedi. Óz gezeginde, puqaralardıń fondların jáne de investiciyalaw hám kapital ósiw esabınan onı kóbeytiwge beyimlik arttırıladı. 
Bunnan soń, onkologiyalıq keselliklerdi erte basqıshta anıqlaw, analıqtı hám balalıqtı qorǵaw, sırt el kompaniyalarınıń dárilerin tiykarsız buyırıw jaǵdaylarına shek qoyıw, tarawda byudjet qarjılarınıń maqsetli jumsalıwın támiyinlew hám korrupciyaǵa qarsı gúresiw boyınsha Qaraqalpaqstan Respublikası Densawlıqtı saqlaw ministrligine Parlamentlik soraw jiberiw tuwralı másele qarap shıǵıldı. Deputatlar tárepinen sorawlar berilip, áhmiyetli máseleler kóterildi. Májilis juwmaǵında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha tiyisli tártipte qararlar qabıl etildi.
Bunnan soń, onkologiyalıq keselliklerdi erte basqıshta anıqlaw, analıqtı hám balalıqtı qorǵaw, sırt el kompaniyalarınıń dárilerin tiykarsız buyırıw jaǵdaylarına shek qoyıw, tarawda byudjet qarjılarınıń maqsetli jumsalıwın támiyinlew hám korrupciyaǵa qarsı gúresiw boyınsha Qaraqalpaqstan Respublikası Densawlıqtı saqlaw ministrligine Parlamentlik soraw jiberiw tuwralı másele qarap shıǵıldı. Deputatlar tárepinen sorawlar berilip, áhmiyetli máseleler kóterildi. Májilis juwmaǵında qarap shıǵılǵan máselelerdi Qaraqalpaqstan Respublikası Joqarǵı Keńesiniń gezektegi sessiyası kún tártibine usınıw boyınsha tiyisli tártipte qararlar qabıl etildi.