Joqarǵı Keńes Baslıǵı Taxtakópir hám Qaraózek rayonlarınıń isbilermenleri menen ushırastı
868
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Qaraózek rayonında Taxtakópir hám Qaraózek rayonlarındaǵı isbilermenler menen ushırastı. Onda 2025-jılda investiciyalıq, lokalizaciyalastırıw baǵdarlamalarına kirgizilgen joybarlardı iske túsiriw, eksportyor kárxanalarǵa ámeliy járdemler kórsetiw, sanaat ónimlerin islep shıǵarıwshı kárxanalardıń tolıq quwatlılıqta islewin támiyinlew, isbilermenlerge hár tárepleme járdem kórsetiw máseleleri talqılandı. Dáslep, Joqarǵı Keńes Baslıǵı sońǵı jılları húrmetli Prezidentimizdiń ayrıqsha itibarı menen Qaraqalpaqstandı sociallıq-ekonomikalıq jaqtan rawajlandırıw, isbilermenler hám investiciyalıq joybarlar ushın ele de keń imkaniyatlar jaratıw boyınsha óz aldına qabıl etilgen qarar hám pármanlar haqqında keń túrde atap ótti. 
Ótkerilgen ushırasıwda isbilermenlerdiń óz jumısın rawajlandırıw baǵdarında ushırasıp atırǵan mashqalaları tıńlandı. Kóterilgen máselelerdiń basım kópshiligine ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Joqarǵı Keńes Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.
Ótkerilgen ushırasıwda isbilermenlerdiń óz jumısın rawajlandırıw baǵdarında ushırasıp atırǵan mashqalaları tıńlandı. Kóterilgen máselelerdiń basım kópshiligine ornında sheshimin tabıw ilajları kórildi. Bunnan tısqarı, waqıt talap etiletuǵın múrájatlar Joqarǵı Keńes Baslıǵınıń jeke qadaǵalawına alınıp, tez pursatta unamlı sheshiw boyınsha tiyisli taraw basshılarına tapsırmalar berildi.