Joqarǵı Keńes Baslıǵı Bozataw, Taqıyatas hám Nókis rayonlarındaǵı isbilermenler menen ushırastı
1071
Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında Nókis qalasındaǵı Sawda-sanaat palatasında Bozataw, Taqıyatas hám Nókis rayonlarındaǵı isbilermenler menen ushırasıw bolıp ótti. Onda investiciyalıq joybarlardı iske túsiriw, lokalizaciyalastırıw baǵdarlamasına kirgizilgen hám eksportyor kárxanalarǵa ámeliy járdemler kórsetiw, sanaat ónimlerin islep shıǵarıwshı kárxanalardıń tolıq quwatlılıqta islewin támiyinlew máseleleri talqılandı. 
Hámmemizge belgili, húrmetli Prezidimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında keń kólemli reformalar ámelge asırılmaqta. Ásirese, ekonomikamızda úlesi joqarı bolǵan isbilermenlikti Qaraqalpaqstanda tez pátler menen rawajlandırıw, olardı qollap-quwatlaw baǵdarında húrmetli Prezidentimiz tárepinen tek ǵana Qaraqalpaqstan ushın qabıl etilgen tariyxıy párman hám qararları jańa imkaniyatlardı jaratıp berilmekte. Búgingi ótkerilgen ushırasıwda usınday imkaniyatlar haqqında keń túrde atap ótildi. 
Joqarǵı Keńes Baslıǵı jańa jumıs orınların hám qosımsha qun jaratatuǵın hár qanday investiciyalıq, islep shıǵarıw hám basqa da joybarlar qollap-quwatlanatuǵınlıǵın ayrıqsha tilge aldı. Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi.
Hámmemizge belgili, húrmetli Prezidimizdiń basshılıǵında elimizde isbilermenlikti jáne de rawajlandırıw, olar ushın barlıq qolaylı sharayatlardı jaratıw baǵdarında keń kólemli reformalar ámelge asırılmaqta. Ásirese, ekonomikamızda úlesi joqarı bolǵan isbilermenlikti Qaraqalpaqstanda tez pátler menen rawajlandırıw, olardı qollap-quwatlaw baǵdarında húrmetli Prezidentimiz tárepinen tek ǵana Qaraqalpaqstan ushın qabıl etilgen tariyxıy párman hám qararları jańa imkaniyatlardı jaratıp berilmekte. Búgingi ótkerilgen ushırasıwda usınday imkaniyatlar haqqında keń túrde atap ótildi. Joqarǵı Keńes Baslıǵı jańa jumıs orınların hám qosımsha qun jaratatuǵın hár qanday investiciyalıq, islep shıǵarıw hám basqa da joybarlar qollap-quwatlanatuǵınlıǵın ayrıqsha tilge aldı. Ushırasıw dawamında búgingi kúnde isbilermenlerdi qıynap kiyatırǵan mashqalalar tıńlandı hám bildirilgen múrájatlardıń basım kópshiligine ornında sheshimin tabıw ilajları kórildi.