Qaraqalpaqstan Respublikası Mektepke shekemgi hám mektep bilimlendiriw ministrliginiń náwbettegi kollegiya májilisi ótkerldi

Kollegiya májilisine Qaraqalpaqstan Respublikası Joqarǵı Keńes Komitet baslıǵı M.Atamuratov, Qaraqalpaqstan Respublikası Mektepke shekemgi hám mektep bilimlendiriw ministri G.Kojabaeva, Ministrlik bólim baslıqları, rayon (qala) mektepke shekemgi hám mektep bilimlendiriw bólim baslıqları, dizimdegi ulıwma orta bilim beriw mektepleri hám mektepke shekemgi bilimlendiriw shólkemleri direktorları, respublika boysınıwındaǵı bilimlendiriw mákemeleri baslıqları qatnastı. Ótkerilgen ilaj dawamında tiykarınan ulıwma orta bilim beriw mektepleriniń shet-tili muǵallimleri keminde B2 dárejedegi milliy yamasa xalıqaralıq sertifikatqa iye bolıwı, oqıtıwshılardıń qánigelik ketegoriyasına iye bolıwı, bilimlendiriw sapası joqarı bolmaǵan mektepler, qánigelestirilgen mekteplerdiń bahalaw sistemasın ulıwma orta bilim beriw mekteplerine engiziw, 5 jıldan berli tiykarǵı pón olimpiadasına rayon(qala)lıq basqıshında sıylı orın almaǵan mektepler, e-maktab platformasında alıp barılıp atırǵan jumıslar, edo.ijro platformasına kelip túsken hújjetlerdiń orınlanıwı, mektep pitkeriwshileriniń joqarı oqıw orınlarına kiriw kórsetkishleri, ministrlik tárepinen mektepke shekemgi bilimlendiriw shólkemlerinde úyrenilgen jumıslar keńnen talqılandı. Májilis sońında jaqında jeke menshik mektepke shekemgi bilimlendiriw shólkeminde bolǵan unamsız jaǵday keńnen talqılandı. Aldaǵı waqıtları bunday jaǵdaylardıń júz beriwi hám aldın alıw boyınsha barlıq tiyisli ilajlar koriliwi haqqında tapsırma berildi. Sonday-aq, kórilgen máseleler boyınsha kollegiya aǵzaları tárepinen tiyisli qararlar qabıl etildi hám isleniwi kerek bolǵan wazıypalar belgilenip alındı.