Sport tarawın ele de rawajlandırıw boyınsha taraw wákilleri menen pikirlesildi
1177
Qaraqalpaqstan Respublikası Joqarǵı Keńesiniń Baslıǵı Amanbay Orınbaev sport tarawı wákilleri, juwapkerler, federaciya basshıları menen ushırastı. Onda Ministrler Keńesiniń Baslıǵı F.Ermanov qatnastı. Ushırasıwda 2024-jılı sport mekteplerinde sportshı-jaslardı tayarlawda ámelge asırılǵan ilajlar hám aldaǵı wazıypalar sonday-aq, sport federaciyalarınıń jumısları haqqındaǵı máseleler qarap shıǵıldı. 
Atap ótiw orınlı, sońǵı jılları elimizde sporttı rawajlandırıwǵa hám ǵalaba en jaydırıwǵa keń imkaniyatlar jaratılıp, bul baǵdarda ámeliy ilajlar dawam ettirilmekte. Ásirese, jaslarımız arasınan elimizdiń bayraǵın dúnyaǵa ele de tanıtatuǵın sportshılardı jetilistirip shıǵarıw, olimpiya jarıslarında Watanımız abıroyın joqarılatıwǵa ayrıqsha itibar qaratılıp atır. Joqarǵı Keńes Baslıǵı óz sózinde húrmetli Prezidentimizdiń Ózbekstan Milliy Olimpia komitetiniń baslıǵı lawazımına saylanǵanı óz gezeginde aymaq hám taraw basshılarına úlken juwapkershilik júkleytuǵınlıǵın, jaratıp berilip atırǵan imkaniyatlardan paydalanıp tarawda joqarı nátiyjeler qolǵa kirgiziliwi kerekligin ayrıqsha atap ótti. 
Sonday-aq, bul baǵdarda óz wazıypasın atqarıwda ayırım mákeme hám federaciya basshılarınıń nemquraylıq penen qarap atırǵanlıǵı sınǵa alındı. Ushırasıw dawamında elimiz jasları arasınan xalıqaralıq dárejedegi jarıslarda, oimpiyada oyınlarında joqarı nátiyjelerge erisetuǵın sportshılardı jetilistirip shıǵarıw ushın jáne qanday ilajlardı alıp barıw kerekligi boyınsha taraw wákilleriniń pikir-usınısları tıńlanıp, wazıypalar belgilendi.
Atap ótiw orınlı, sońǵı jılları elimizde sporttı rawajlandırıwǵa hám ǵalaba en jaydırıwǵa keń imkaniyatlar jaratılıp, bul baǵdarda ámeliy ilajlar dawam ettirilmekte. Ásirese, jaslarımız arasınan elimizdiń bayraǵın dúnyaǵa ele de tanıtatuǵın sportshılardı jetilistirip shıǵarıw, olimpiya jarıslarında Watanımız abıroyın joqarılatıwǵa ayrıqsha itibar qaratılıp atır. Joqarǵı Keńes Baslıǵı óz sózinde húrmetli Prezidentimizdiń Ózbekstan Milliy Olimpia komitetiniń baslıǵı lawazımına saylanǵanı óz gezeginde aymaq hám taraw basshılarına úlken juwapkershilik júkleytuǵınlıǵın, jaratıp berilip atırǵan imkaniyatlardan paydalanıp tarawda joqarı nátiyjeler qolǵa kirgiziliwi kerekligin ayrıqsha atap ótti. Sonday-aq, bul baǵdarda óz wazıypasın atqarıwda ayırım mákeme hám federaciya basshılarınıń nemquraylıq penen qarap atırǵanlıǵı sınǵa alındı. Ushırasıw dawamında elimiz jasları arasınan xalıqaralıq dárejedegi jarıslarda, oimpiyada oyınlarında joqarı nátiyjelerge erisetuǵın sportshılardı jetilistirip shıǵarıw ushın jáne qanday ilajlardı alıp barıw kerekligi boyınsha taraw wákilleriniń pikir-usınısları tıńlanıp, wazıypalar belgilendi.